កីឡាករ Donny van de Beek បានធ្វើការបញ្ជាក់ពីអារម្មណ៍រីករាយនិង ជាពិសេសគឺមានអារម្មណ៍ថាកក់ក្តៅដូចជាផ្ទះ របស់គាត់រួចទៅហើយ ក្រោយពេលដែលការ ប្រកាសជាផ្លូវការត្រូវបានធ្វើឡើងកាលពីម្សិលមិញ ដើម្បីក្លាយទៅជា កីឡាកររបស់បិសាចក្រហ Man United.
កីឡាករខ្សែបម្រើហូឡង់រូបនេះ បានចូលរួមជាមួយនឹង Old Trafford ក្នុងតម្លៃខ្លួនប្រមាណជា៣៩,១លានផោនជាមួយនឹងកុងត្រា ដែលមានរយៈពេល៥ឆ្នាំនិងជម្រើសបន្តកុងត្រាថ្មីថែមមួយឆ្នាំទៀតផងដែរ។
គួរឲ្យដឹងដែរថាកន្លងមកមានក្លឹបយ៉ាងហោចណាស់ ៦ដែលបានតាមចែចង់កីឡាករវ័យ២៣ឆ្នាំរូបនេះហើយបើតាមការបញ្ជាក់របស់ភ្នាក់ងារកីឡាករ លោក Sjaak Swart បានបង្ហាញថាក្នុងនោះក៏មានក្លឹប Real Madrid, Barcelona, Juventus និង Arsenal ផងដែរ៕
ប្រែសម្រួល៖ស៊ុនលី
