ភ្នំពេញ៖៖ព្រឹត្តិការណ៍ការប្រកួតកីឡា ប្រដាល់គុនខ្មែរពានរង្វាន់ TV5 Boxing Knock-Out Serie by Cellcard លើសង្វៀនTV5 កាលពីយប់ថ្ងៃសៅរ៍ ទី៥ ខែសីហា ឆ្នាំ២០២០ លើប្រភេទភេទទម្ងន់៥៤គីឡូក្រាម អ្នកប្រដាល់ សឺន ថៃសាន់ បានបង្ហាញនូវភាពក្រអឺតក្រទមបន្ទាប់ពីគេប្រកួតឈ្នះអ្នកប្រដាល់នូវ សុខទីក្លិបខេត្តរតនគីរីដោយពិន្ទុទាំងមិនឯកច្ឆ័ន្ទ។
សម្រាប់ការប្រកួតចំនួន៣ទឹក ថៃ សាន់ មានប្រៀបលើសុខទីបន្តិចបន្តួច ប៉ុណ្ណោះទោះបីចៅក្រុមទាំង៥រូបសុទ្ធតែផ្ដល់ពិន្ទុឲ្យរូបគេឈ្នះក៏ពិតមែនក៏ដោយ ក្រោយពេលប្រកួតចប់ បន្ទាប់ពីប្រកាសលទ្ធផលនោះថៃសាន់បាននិយាយថាគូប្រកួតរបស់គេនៅវគ្គជម្រុះជុំទី២ គឺប្រដាល់ ធន អៀងឡៃ ក្លិបកងយោធពលខេមរភូមិន្ទដែលគេទើបតែប្រកួតឈ្នះអ្នកប្រដាល់សេក សារ៉ាន់ក្លិបអង្គរមានជ័យខេត្តសៀមរាបដោយពិន្ទុដែរនោះ ។
សឺន ថៃសាន់បានបញ្ចេញនូវសំដីក្រអឺតក្រទមថាធន អៀងឡៃបើចង់ក្លាយជាម្ចាស់ពានដែលមានរង្វាន់អមចំនួន៤.០០០ដុល្លារនោះត្រូវឆ្លងផុតនូវការប្រកួតជាមួយរូបគេ(សឺន ថៃសាន់)នៅជុំទី២សិន សូមហាត់ត្រៀមខ្លួនឲ្យបានល្អទៅគេ ត្រូវការគូប្រកួតដែលខ្លាំង និងក្លាហានដូចរូបគេៗនឹងវ៉ៃឲ្យបានកាន់តែល្អ នៅជុំទី២នេះខាងមុខនេះ ។
នេះជាការប្រកួតជម្រុះនៅជុំទី១ ដែលមានអ្នកប្រដាល់១៦រូបចូលរួម អ្នកចាញ់ខ្ទាតចេញពីការប្រកួតចំពោះ៨រូបដែលឈ្នះនៅជុំទី១នឹងប្រកួតជមរុះបន្តនៅជុំទី២ទៀត ហើយពេលនេះមានអ្នកប្រដាល់២រូបហើយដែលឆ្លងផុតវគ្គជម្រុះជុំទី១ ហើយក៏មានអ្នកប្រដាល់២រូបដែរដែលធ្លាក់នៅជុំទី១នេះ៕
