ខ្សែប្រយុទ្ធជប៉ុន Minamino កាលពីប៉ុន្មានសប្តាហ៍មុន បានត្រឹមតែជាកីឡាករបម្រុង អត់មានការងារធ្វើប៉ុណ្ណោះ សម្រាប់ហង្សក្រហម Liverpool ក្នុងគ្រាដែលក្លឹប បានក្លាយទៅជា ម្ចាស់ជើងឯកអង់គ្លេស Premier League។
ការប្រកួតបើករដូវកាល និងការប្រកួតមិត្តភាពចុងក្រោយនេះទាំង Minamino និងកីឡាករយុវជន Elliott ត្រូវបានផ្តល់ឧិកាសថ្មីតាមរយៈការ ចាប់ផ្តើមបង្ហាញខ្លួនឡើងវិញ ក្រោមការដឹកនាំរបស់លោក Klopp និងដោយក្តីសង្ឃឹមថា ពួកគាត់នឹងមានទំរង់លេងដ៏អស្ចារ្យមួយ ដើម្បីក្លាយទៅជាផ្នែកមួយ នៃផែនការរបស់ក្លឹបរដូវកាលក្រោយ។
ជាលទ្ធផលMinamino បានបង្ហាញសមត្ថភាព ដែលគួរឲ្យចាប់អារម្មណ៍ នៅក្នុងការប្រកួត Community Shield មិនត្រឹមតែជាអ្នកស៊ុតបញ្ចូលទីនោះទេ ក៏ជាអ្នកដែលធ្វើឲ្យទំរង់លេងក្លឹបប្រែប្រួលផងដែរ ហើយបន្តមកប្រកួតមិត្តភាពយប់មិញ ក្នុងលទ្ធផល៧ទល់នឹង២ ជាមួយនឹង Blackpool កីឡាកររូបនេះ ក៏នៅតែបន្តទំរង់លេងល្អដដែល៕
ប្រែសម្រួល៖ស៊ុនលី
