Lionel Messi បានត្រឡប់មកហ្វឹកហាត់ ជាមួយក្រុមកីឡាករ Barcelona ជាលើកដំបូង ចាប់តាំងពីសម្រេចនៅជាមួយក្លឹបបន្តទៀត។
Messi ត្រូវបានគេថត បាននៅខាងក្រៅ ទីលានហ្វឹកហាត់ Joan Gamper Ciutat Esportiva របស់ Barcelona កាលពីថ្ងៃច័ន្ទ។ គេបានបានមកដល់ទីលានហ្វឹកហាត់ដោយបើករថយន្ត Mercedes របស់គេ ជាមួយទឹកមុខដែលបង្ហាញពីការសប្បាយចិត្តឡើយ។
សម្រាប់ការហាត់នេះ បានក្លាយជាលើកដំបូងដែល Messi និងអ្នកចាត់ការថ្មីលោក Ronald Koeman ធ្វើការជាមួយគ្នាលើទីលាន ចាប់តាំងពីបុរសសញ្ជាតិហុល្លង់ចូលមកកាន់ Barca។ Messi ត្រូវបានគេមើលឃើញថា បានមកដល់មុខម៉ោងហ្វឹកហាត់ទៅទៀត ដើម្បីជួបពិភាក្សាជាមួយក្លឹប ក៏ដូចជាគ្រូបង្វឹក មុនពេលចេញទៅរត់លើទីលាន។
Barcelona កំពុងរៀបចំប្រកួតមិត្តភាព ជាមួយក្រុមស្ថិតក្នុងលីគទាបមួយ ក្នុងប្រទេសអេស្ប៉ាញគឺ Gimnastic នៅថ្ងៃសៅរ៍នេះ ប៉ុន្តែ Messi ទំនងមិនអាចចូលលេងទេ៕
ដោយ ៖ sabay
