នៅថ្ងៃនេះកីឡាករខ្សែប្រយុទ្ធបារាំង Lacazette វ័យ២៩ឆ្នាំបានចេញមកធ្វើការបដិសេធនូវព័ត៌មាន ចចាមអារ៉ាមទាំងឡាយដែលបានអះអាងថាគាត់នឹងផ្ទេរទៅលេងជាមួយនឹងក្លឹប AT Madrid និង Juventus នៅរដូវក្តៅនេះ។
Lacazette បាននិយាយថា គាត់មិនដែលមានការបំណងក្នុងការចាកចេញពីក្លឹបកាំភ្លើងធំ Arsenal ឡើយខណៈដែលបច្ចុប្បន្នក្លឹបកំពុងស្ថិតនៅក្នុងផែនការ អនាគតដ៏អស្ចារ្យមួយក្រោមការដឹកនាំរបស់លោក Mikel Arteta នោះ។
គួរឲ្យដឹងដែរថាបន្ទាប់ពីចាប់តំណែង ជាគ្រូបង្វឹករបស់ក្លឹបតាំងតែពីពាក់កណ្តាលរដូវកាល ២០១៩-២០២០កន្លងមកលោក Arteta បានដឹកនាំ Arsenal ទៅរកទំរង់លេងដ៏អស្ចារ្យមួយដោយក្នុងនោះគាត់បានជួយលើកពាន FA Cup និង Community Shield ផងដែរ៕
ប្រែសម្រួល៖ស៊ុនលី
