ក្រុម Manchester City បានបរាជ័យធ្ងន់តែម្ដងនៅយប់មិញនេះ ក្រោមថ្វីជើងរបស់ Leicester City ក្នុងលទ្ធផល ៥-២ នាពានរង្វាន់ Premier League ។
សម្រាប់ការប្រកួតនេះដែរ Man City ជាអ្នករកគ្រាប់បាល់បានមុន ប៉ុន្តែក្រោយពីនាំមុខហើយ ក្រុម Man City បែរជាភ្លាត់ឱ្យ Leicester City រកគ្រាប់បាល់តាមស្មើ និងបន្ដរកបានជាបន្ដបន្ទាប់ដោយ Vardy ។ ចប់ការប្រកួតក្រុមម្ចាស់ផ្ទះ Man City ចាញ់ Leicester ដល់ទៅ ៥-២ ឯណោះ ជារឿងមិនគួរឱ្យជឿនោះទេ។
ក្រោយចប់ការប្រកួត លោក Pep អ្នកចាត់ការ Man City បាននិយាយថា ៖ “យើងលេងដូចធុញថប់។ វាពិបាកណាស់ នៅពេលកីឡាករមិនចង់លេង មិនចង់រត់ក្នុងការប្រកួត ។ យើងមិនបានបង្កើតឱកាសច្រើននោះទេ។ យើងត្រូវគិតឡើងវិញ ចំពោះបញ្ហាដែលកើតមានឡើង ក្នុងការប្រកួតនៅយប់មិញនេះ វាមិនគួរឱ្យកើតមានឡើយ វាពិបាកក្នុងការ ទទួលយកណាស់”៕
