នៅសប្តាហ៍នេះ មានការអះអាងមួយទៀត ហើយថា ក្លឹបអង់គ្លេស Everton បានចាប់អារម្មណ៍ខ្លាំង ទៅលើកីឡាករម្នាក់ទៀតរបស់ក្លឹប Real Madrid ក្រោយពេលដែលបានជោគជ័យនាំយក James Rodriguez មកអង់គ្លេសហើយនោះ។
កីឡាករ Isco ត្រូវបានគេជឿជាក់ថា កំពុងមានទំនាក់ទំនងជាមួយនឹងក្លឹប Everton ជាពិសេសជាមួយ នឹងគ្រូបង្វឹកលោក Ancelotti តែម្តង ហើយសង្ឃឹមថាការដោះដូរ នឹងអាចធ្វើឡើងទៅរួចនាខែមករាខាងមុខនេះ។
The Mirror ក៏បានសរសេរដែរថា គ្រូបង្វឹក Real Madrid លោក Zinedine Zidane ក៏មិនមានបំណងរសក្សាទុក Isco ដែរហើយនឹងត្រៀម អនុញ្ញាតិឲ្យកីឡាករអេស្បាញរូបនេះ ចាកចេញក្នុងនាមជាកីឡាករខ្ចីជើងសិន និងបំពេញតម្លៃខ្លួន១៨លានផោនតាមក្រោយ ៕
ប្រែសម្រួល៖ស៊ុនលី
