ក្រុមអាល្លឺម៉ង់ បានបរាជ័យធ្ងន់កតែម្ដង ក្រោមថ្វីជើងក្រុមអេស្ប៉ាញ នៅយប់មិញនេះ ក្នុងលទ្ធផល ៦-០ ពានរង្វាន់ UEFA Nations League។
ក្នុងការប្រកួតនេះដែរ តាំងពីកែបាល់ភ្លាម ក្រុមអេស្ប៉ាញ ដែលជាម្ចាស់ផ្ទះសម្រុកមិនសម្រាកនោះទេ រហូតមានគ្រាប់បាល់បន្ដបន្ទាប់ ។ ខណៈដែលក្រុមភ្ញៀវអាល្លឺម៉ង់វិញ ហាក់ដូចជាមិនមានសាច់បាល់លេងឡើយ ហើយពិបាកមែនទែន ក្នុងការបង្កើតឱកាស ស៊ុតលើក្រុមអេស្ប៉ាញ។
ចំពោះការលេងរបស់អាល្លឺម៉ង់នេះ លោក Joachim Low បាននិយាយក្រោយចប់ការប្រកួតថា៖ “ខ្ញុំពិតជាមិនយល់ថាមានអ្វីកើតឡើង សម្រាប់ក្រុមរបស់យើងឡើយ។ យើងពិបាកក្នុងការបង្កើតឱកាសមែនទែន ហើយយើងក៏មិនអាចប្រជែងឈ្នះកីឡាករ អេស្ប៉ាញមួយទល់ នឹងមួយផងដែរ ។ នេះជាថ្ងៃ Black Day របស់យើង និងពិបាកក្នុងការបំភ្លេចណាស់”៕
ដោយ ៖ sabay
