លោក Ole អ្នកចាត់ការក្រុម Manchester United បានចាត់ទុក Bruno Fernandes គឺជា Cristiano Ronaldo របស់ក្រុមនាពេលបច្ចុប្បន្ននេះ ក្រោយពីរួមចំណែកជួយក្រុមបានយ៉ាងច្រើនមែនទែន។
Bruno រកបាន២គ្រាប់ម្នាក់ឯងទល់ក្រុម Istanbul ក្នុងពានរង្វាន់ UEFA Champions League កាលពីប្រកួតកន្លងទៅនេះ ហើយក៏តែងតែរួមចំណែក ជួយក្រុមស្វែងរកគ្រាប់បាល់គ្រប់ប្រកួតផងដែរ។ ចាប់តាំងពីចូលរួមជាមួយ ក្រុមតាំងពីខែមករាដើមឆ្នាំនេះមក រូបគេរកគ្រាប់បាល់ បានដល់ទៅ៣៤គ្រាប់ទៅហើយ ឱ្យក្រុមបិសាចក្រហម និងទទួលបានកំណត់ត្រាជាកីឡាករ រកបានគ្រាប់បាល់ច្រើនជាងគេ គិតត្រឹមពេលពីខែមករាមកដូចគ្នា។
ដោយសារតែឃើញសមត្ថភាព លេងបែបនេះហើយ ទើបបានជាលោក Ole សរសើរនិងអះអាងថា៖ “គាត់ពិតជាបានជួយក្រុមច្រើន និងមានឥទ្ធិពលទៅលើ ទម្រង់លេងក្រុមទាំងមូលខ្លាំងណាស់។ មើលតែលទ្ធផលតាំង ពីគាត់មករួមក្រុមយើងមក គឺដឹងហើយ។ គាត់ជាកីឡាករម្នាក់ ដែលប្រឹងប្រែងអស់ពីចិត្ត ដូចកាល Ronaldo លេងនៅទីនេះដែរ”៕ ប្រភព៖ សប្បាយ
