ក្រុម Spurs របស់លោក Jose Mourinho កំពុងស្ថិតនៅចំណាត់ថ្នាក់ លើក្រុម Chelsea ២ពិន្ទុ មុនពេលពួកគេត្រូវប៉ះគ្នា នៅម៉ោង១១:៣០នាទីយប់នេះ ពានរង្វាន់ English Premier League ។
មុនការប្រកួតនេះចាប់ផ្ដើម លោក Jose Mourinho បានបោះសម្ដីទៅកាន់ក្រុម Chelsea ថាក្រុមរបស់លោក នៅពេលនេះ គឺមិនខ្លាចនរណានោះទេ។ ពាក្យថាខ្លាច មិនគួរប្រើប្រាស់នាពេលនេះឡើយ ដោយគួរតែជំនួស ដោយពាក្យថាគោរព ដៃគូវិញទើបត្រូវ។ មួយវិញទៀត សួរថា Spurs ខ្លាចក៏មិនមែនជារឿងត្រឹមត្រូវដែរ ផ្ទុយទៅវិញគួរតែសួរទៅខាង Chelsea តើខ្លាច Spurs អត់ ទើបត្រូវជាង។
រំលឹកថាលោក Jose ក៏ធ្លាប់អះអាងដែរថា ក្រុមរបស់លោក Lampard ទេ ដែលកំពុងមានសម្ពាធសម្រាប់ការប្រកួតនេះ ក៏ដូចជាលទ្ធផល ចប់រដូវកាលតែម្ដង ព្រោះពួកគេបានចំណាយប្រាក់ជាច្រើន លើការទិញដូរកីឡាករ។ ប្រសិនបើមិនបានពានរង្វាន់ទេ នោះអាចនឹងពិបាក សម្រាប់ក្រុមតោខៀវហើយ៕ ប្រភព៖ សប្បាយ
