បរទេស៖ ការប្រកួតយប់មិញនេះ បានធ្វើឲ្យគ្រប់គ្នា មានការភ្ញាក់ផ្អើលខ្លាំង ក្រោយពេលដែល ក្រុមរបស់លោក Zidane បានបរាជ័យក្រោមថ្វីដៃ របស់ Alaves នៅក្នុងទឹកដី Alfredo di Stefano ទាំងដែល កីឡាករឆ្នើមរបស់ខ្លួន គឺ Eden Hazard ក៏បានទទួលរង របួសទៀត។
គ្រូបង្វឹករបស់ Real Madrid លោក Zinedine Zidane ត្រូវបានក្រុមអ្នកកាសែត សាកសួរ និងសុំការពន្យល់ ក្រោយការបរាជ័យ ក្នុងលទ្ធផល ២ទល់នឹង១ ទៅលើក្រុម Alaves ប៉ុន្តែលោកបានត្រឹម និយាយថា៖ ខ្ញុំគ្មានអ្វីដែលត្រូវ រៀបរាប់ពន្យល់នោះឡើយ។
គួរឲ្យដឹងដែរថានេះ គឺជាបរាជ័យលើកទី៣ របស់ Real Madrid នៅរដូវកាលនេះ ហើយបច្ចុប្បន្ន Real Madrid ធ្លាក់ ដល់ទៅ៦ពិន្ទុ ឈរពីក្រោយក្រុមកំពូលតារាង AT Madrid និង Real Sociedad ដែលកំពុងមាន ២៣ពិន្ទុ ក្នុងដៃដូចគ្នា៕ ប្រែសម្រួល៖ស៊ុនលី
