តូក្យូ៖អ្នករៀបចំព្រឹត្តិការណ៍អូឡាំពិក បានពន្យារពេលបានបដិសេធ មិនបញ្ជាក់របាយការណ៍ ដែលត្រូវបានផ្សព្វផ្សាយជាទូទៅ នៅប្រទេសជប៉ុនថា ការចំណាយសម្រាប់ការពន្យារពេលមួយឆ្នាំ នឹងមានប្រមាណ ៣ ពាន់លានដុល្លារ យោងតាមការចេញផ្សាយ ពីគេហទំព័រជប៉ុនធូដេ ។
ការប៉ាន់ស្មាននេះ ត្រូវបានចុះផ្សាយក្នុងកាសែត ជាច្រើនក្នុងប្រទេសជប៉ុន ដូចជាសារព័ត៌មានជាតិ NHK និងទីភ្នាក់ងារ សារព័ត៌មានជប៉ុនក្យូដូ ហើយទាំងអស់ កំពុងដកស្រង់តួលេខស្រដៀងគ្នា និងប្រភពមិនស្គាល់អត្តសញ្ញាណ នៅជិតការប្រកួត ។ អ្នករៀបចំទីក្រុងតូក្យូបាននិយាយ នៅក្នុងសេចក្តីថ្លែងការណ៍មួយថា យើងកំពុងស្ថិត ក្នុងដំណើរការវាយតម្លៃ ការចំណាយបន្ថែមទាក់ទង នឹងការពន្យារពេល នៃការប្រកួតដោយសារ មេរោគCOVID-19 ដូច្នេះយើងមិនអាចធ្វើការអត្ថាធិប្បាយ លើព័ត៌មានលម្អិតណាមួយ នៅពេលនេះបានឡើយ ។
តម្លៃផ្លូវការនៃការដាក់កីឡា អូឡាំពិកទីក្រុងតូក្យូគឺ ១២,៦ ពាន់លានដុល្លារ ទោះយ៉ាងណាការធ្វើសវនកម្ម របស់រដ្ឋាភិបាលកាលពីឆ្នាំមុន បាននិយាយថា វាប្រហែលជា២ដងច្រើនជាងនេះ ប៉ុន្តែទឹកប្រាក់ ៥,៦ ពាន់លានដុល្លារ គឺជាប្រាក់សាធារណៈ ។ ទីក្រុងតូក្យូបាននិយាយថា ការប្រកួត នឹងត្រូវចំណាយអស់ ៧,៣ ពាន់លានដុល្លារនៅពេល ដែលវាឈ្នះការដេញថ្លៃក្នុងឆ្នាំ ២០១៣ ។
ទឹកប្រាក់៣ ពាន់លានដុល្លារ សម្រាប់ការពន្យាពេលនេះគ្រាន់តែបន្ថែម ដល់ចំនួនសរុបប៉ុណ្ណោះ។ ការសិក្សារបស់សាកលវិទ្យាល័យ Oxford បានចេញផ្សាយ នៅដើមឆ្នាំនេះ ត្រូវបានគណនាមុនការពន្យារ ពេលបាននិយាយថា ទីក្រុងតូក្យូគឺជាព្រឹត្តិការណ៍ អូឡាំពិករដូវក្តៅថ្លៃជាងគេបំផុត ហើយកំណត់ត្រានៅតែដំណើរការ ៕
