អ្នកចាត់ការរបស់ Arsenal លោក Mikel Arteta បាននិយាយថា ការត្រឡប់មកវិញរបស់អ្នកគាំទ្រមកកាន់កីឡដ្ឋាន Emirates ក្នុងជំនួបជ័យជម្នះលើ Rapid Vienna ក្នុងពាន Europa League គឺជាយប់ពិសេសបំផុតមួយ។
អ្នកគាំទ្រ២០០០នាក់បានអនុញ្ញាតឲ្យចូលទស្សនាការប្រកួតរវាង Arsenal និង Rapid Vienn។ វាមានរយៈពេល២៧១ថ្ងៃចាប់តាំងពីអ្នកគាំទ្រ Arsenal បានបង្ហាញវត្តមានចុងក្រោយសម្រាប់ការប្រកួតក្នុងផ្ទះរបស់ពួកគេ។
កាលពីយប់មិញ Arsenal បានយកឈ្នះយ៉ាងធំធេងលើ Rapid Vienn លទ្ធផល ៤-១។ ៤គ្រាប់របស់កាំភ្លើងធំរកបានដោយកីឡាករ Lacazette, Pablo Mari, Edward Nketiah និង Emile Smilth-Rowe។
“ខ្ញុំពិតជារីករាយខ្លាំងណាស់ដែលបានពួកគេត្រឡប់មកវិញ។ ពួកគេបានរួមចំណែកយ៉ាងធំមួយ។ ចំនួនមានតែ២០០០នាក់ទេ ប៉ុន្តែមានអារម្មណ៍ដូចច្រើននាក់អ៊ីចឹង”។ សម្ដី Arteta។ Arsenal បច្ចុប្បន្នឈរកំពូលតារាងពូល B មានកៅអីរួចស្រេចឡើងវគ្គ៣២ក្រុមចុងក្រោយ៕
ប្រភព៖sabay
