Cristiano Ronaldo ត្រូវបានស្វាគមន៍យ៉ាងខ្លាំងសម្រាប់ដំណើរ មកដល់ទីក្រុង Barcelona ដោយមានអ្នកគាំទ្រជាច្រើនរយនាក់ឈរចាំទទួលនៅខាងក្រៅ សណ្ឋាគារដែលក្លឹប Juventus ស្នាក់នៅ។
ទោះបីជាមានការរឹតបន្តឹងមួយចំនួននៅក្នុងកន្លែងនោះ ដោយសារតែការរីករាលដាលជំងឺឆ្លងកូរ៉ូណាដែលកំពុងតែបន្តកើតមានក៏ដោយ អ្នកគាំទ្ររាប់រយនាក់បានទៅដល់មុខសណ្ឋគារដើម្បីចាំទទួលកីឡាករសញ្ជាតិព័រទុយហ្គាល់។
រាត្រីនេះម៉ោង៣:០០នាទីទៀបភ្លឺ Barcelona ត្រូវប៉ះជាមួយ Juventus ដែលជាប្រកួតទី៦ក្នុងវគ្គសន្សំពិន្ទុ G ហើយក៏ជាការរកនរណាជាម្ចាស់កំពូលតារាងពិតប្រាកដ។ ក្នុងនោះដែរគ្រប់គ្នានឹងអាចឃើញវីរបុរសបាល់ទាត់ទាំងពីរ Lionel Messi និង Cristiano Ronaldo ជួបគ្នាម្ដងទៀត៕
ប្រភព៖sabay
