អ្នកលេងគុនចម្រុះ Khabib Nurmagomedov បានបង្ហើបពីតម្លៃខ្លួន ដែលចង់បាន ប្រសិនបើ UFC មានបំណងចង់ឲ្យ គេត្រឡប់ទៅប្រកួតវិញ។
Khabib ដែលជាម្ចាស់ខ្សែក្រវាត់ប្រភេទទម្ងន់ Lightweight បានប្រកាសចូលនិវត្តន៍ បន្ទាប់ពីយកឈ្នះលើ Justin Gaethje កាលពីខែតុលា ។ រក្សាកំណត់ត្រា ប្រកួត២៩ដង ឈ្នះទាំង២៩។ កីឡាករវ័យ៣២ឆ្នាំ បាននិយាយថា ប្រសិនប្រធានរបស់ UFC លោក Dana White ហ៊ានឲ្យ១០០លានដុល្លារ គេនឹងអាចគិតគូរ មកប្រកួតវិញ។
តែកីឡាករសញ្ជាតិរុស្សី ក៏បានសង្កត់ធ្ងន់ដែរថា ប្រសិនបើគេទៅប្រកួតវិញ គឺមិនវាយជាមួយ Conor McGregoe ឬ Dustin Poirier ឡើយ ។ “ឧទាហរណ៍បើគេឲ្យ១០០លានដុល្លារ វាពិតជាពិបាកសម្រេចចិត្ត ។ តែការប្រកួតជាមួយ Conor ឬ Dustin ខ្ញុំគ្មានចំណាប់អារម្មណ៍ទេ ។ ខ្ញុំធ្លាប់ស៊ីពួកគេស្រួលៗ រួចមកហើយ” សម្ដី Khabib៕
