Cristiano Ronaldo បាននិយាយថា គេមិនដែលមើលឃើញ Lionel Messi ជាគូប្រជែងនោះទេ និងតែងតែមានទំនាក់ទំនងល្អនឹងគ្នា។
កីឡាករសញ្ជាតិព័រទុយហ្គាល់ទាត់ប៉េណាល់ទីចូលពីរគ្រាប់ក្នុងកីឡដ្ឋាន Camp Nou ជួយ Juventus យកឈ្នះ Barcelona ៣-០។ ក្នុងជំនួបនេះដែរ Ronaldo បានជួប Messi ជាលើកដំបូង ក្រោយខកខានលេងប៉ះគ្នាជាង២ឆ្នាំ។
“ខ្ញុំតែងតែមានទំនាក់ទំនងស្និទ្ធស្នាលជាមួយ Messi។ ខ្ញុំមិនបានមើលឃើញគេជាគូប្រជែងអ្វីផង។ ពួកយើងម្នាក់តែងតែស្វែងរកអ្វីដែលល្អបំផុតសម្រាប់ក្រុមរបស់ពួកគេ” ។” សម្ដីរបស់ Ronaldo។
Ronaldo វ័យ៣៥ឆ្នាំបញ្ជាក់ទៀតថា Juventus បើមានទម្រង់លេងបែបនេះ គឺគ្មានអ្វីត្រូវខ្លាចឡើយនៅរដូវកាលនេះ។ ជ័យជម្នះលើ Barcelona ធ្វើឲ្យមានរហស្សនាមសេះបង្កង់ឡើងឈរកំពូលតារាងពូល G៕
ប្រភព៖ sabay
