ក្រុម Spurs បានយកឈ្នះលើក្រុម Stoke City ក្នុងលទ្ធផល ៣-១ សម្រាប់ការប្រកួតពានរង្វាន់ Carabao Cup កាលពីយប់មិញនេះ។
សម្រាប់ការប្រកួត Cup នេះដែរ លោក Jose Mourinho បានដាក់ឱ្យ Alli មានឱកាសជាប់ជម្រើសដំបូងជាលើកដំបូងផងដែរ។ តែរូបគេក៏ត្រូវប្ដូរចេញវិញ នៅពេលនាទី៦៦ បន្ទាប់ពីធ្វើឱ្យមានកំហុសបន្តិច។ ការសម្រេចប្ដូររូបគេចេញនេះដែរ បានធ្វើឱ្យសាមីខ្លួនមិនសប្បាយចិត្តនោះទេ។ រូបគេបានបង្ហាញកាយវិការមិនសមរម្យឡើយ ដោយបានដូរចេញមកដើរទាត់ទឹកផងដែរ។
លោក Jose បាននិយាយចំពោះរឿងនេះដែរថា៖ “ប្រហែលជាគាត់មិនសប្បាយចិត្តជាមួយទម្រង់លេងរបស់គាត់នៅថ្ងៃនេះ។ ខ្ញុំយល់ពីគាត់ ហើយខ្ញុំក៏មិនសប្បាយចិត្តនៅពេលឃើញគាត់លេងមិនបានល្អផងដែរ។ ខ្ញុំសង្ឃឹមថាគាត់នឹងអាចប្រមូលអារម្មណ៍និងធ្វើបានល្អនៅពេលខាងមុខ”៕
ប្រភព៖sabay
