លោក Ole Gunnar Solskjaer បានឡើងដឹកនាំក្លឹប Manchester United តាំងពីខែធ្នូ ឆ្នាំ២០១៨ មក។ តាំងពីធ្វើជាអ្នកចាត់ការមក លោកដឹកនាំឲ្យឡើង វគ្គពាក់កណ្ដាលផ្ដាច់ព្រ័ត្របាន ៤ដង តែ ចាញ់ទាំង ៤ដង។
នៅឆ្នាំដំបូងរបស់លោក ពេលកាន់តពីលោក Jose Mourinho លោកមិនបានឡើងទៅដល់វគ្គពាក់កណ្ដាលផ្ដាច់ព្រ័ត្រណាទេ តែក្នុងឆ្នាំទី២របស់លោក ក្លឹប Manchester United ឡើងទៅកាន់វគ្គ Semi រហូតទៅដល់ ៣ដង។
ក្នុងឆ្នាំ២០២០ Manchester United ឡើងទៅជួប Manchester City នៅវគ្គពាក់កណ្ដាលផ្ដាច់ព្រ័ត្រពានខារ៉ាបាវ។ នៅកាលនោះក្លឹបត្រកូល Manchester លេង ២ជើង ដោយ City ឈ្នះ ៣-១ ឯ United បានឈ្នះម្ដងក្នុងលទ្ធផល ១-០។
ឆ្នាំដដែល Man Utd បានទៅជួប Chelsea នៅក្របខ័ណ្ឌពាន FA Cup តែចាញ់តោខៀវ ៣-១ ហើយនៅចុងរដូវកាលជួប Sevilla នៅក្របខ័ណ្ឌ UEFA Europa League និងចាញ់ ២-១។
លុះវគ្គពាក់កណ្ដាលផ្ដាច់ព្រ័ត្រ លើកចុងក្រោយនេះ បិសាចក្រហមសង្ឃឹមខ្ពស់ថា នឹងឈ្នះ City ដោយរឿងកូវីដ-១៩ តែអកុសលអីចាញ់ ២-០ ព្រោះគ្រាប់នៅតង់ទី២៕ ប្រភព៖ sabay
