ភ្នំពេញ៖លោក តែម ម៉ឺន អនុប្រធាន អចិន្ត្រៃយ៍ក្រុមកីឡាកងយោធពល ខេមរភូមិន្ទបានមានប្រសាសន៍ ថា ចាប់ផ្តើមពីឆ្នាំ២០០៦មកដល់ឆ្នាំ២០២០ក្រុមកីឡាកងយោធពលខេមរភូមិន្ទដណ្តើមបានមេដាយ សរុបចំនួន ១៦៥៤គ្រឿងទំាងការប្រកួតជាតិ និងអន្តរជាតិក្នុងរយៈពេល១៤ឆ្នាំបានលើកឡើង ក្នុងពិធីប្រកាសសមាសភាពក្រុមកីឡាកង យោធពលខេមរភូមិន្ទានារសៀលថ្ងៃទី១២ ខែមករា ឆ្នាំ២០២១ នៅទីស្តីការគណៈរដ្ឋមន្រ្តី។
លោកបានបន្តថា សម្រាប់មេដាយ១៦៥៤គ្រឿងក្នុងនោះមេដាយមាស ចំនួន៥៧៦គ្រឿង មេដាយប្រាក់៥៩៧គ្រឿង និងមេដាយសំរិទ្ធ៤៨១គ្រឿង ព្រមទំាង ពានរង្វាន់១០៥ពានដោយមានពានរង្វាន់កីឡាប៉េតង់កម្រិតពិភពលោកចំនួន៤ពានដណ្តើមបានវិរកីឡាការិនី កែ ឡេង ចំពោះមេដាយមាស៤គ្រឿងពិភពលោកចាប់តាំងពី ២០១៣ដល់២០១៩។
លោកអនុប្រធានអចិន្ត្រៃយ៍បានបន្ថែមទៀតថា ការប្រកួតកម្រិត អន្តរជាតិរយៈពេល១៤ឆ្នាំវិញទទួលបានមេដាយសរុបចំនួន ៣០០គ្រឿង។ កីឡាកងយោធពល ខេមរភូមិន្ទដែលមានសក្តានុពលគឺប្រភេ ទកីឡាប៉េតង់ ដោយសារតែរាល់ ការចេញទៅចូលរួមព្រឹត្តិការណ៍ការប្រកួតលើឆាកអន្តរជាតិតែងតែទទួល មេដាយមាស មេដាយប្រាក់ និងមេដាយសំរិទ្ធជានិច្ច៕ដោយ៖លី ភលីព
