Phil Neville ត្រូវបានសារព័ត៌មានបរទេសចេញផ្សាយហើយថាបានក្លាយជាគ្រូបង្វឹកថ្មីរបស់ក្លឹប Inter Miami ហើយវាគឺជាពេលវេលាត្រឡប់ទៅជួបជុំជាមួយនឹងអតីតមិត្តរួមក្រុម
ជម្រើសជាតិអង់គ្លេសលោក David Beckham សាជាថ្មីផងដែរ។
Beckham គឺជាប្រធានប្រតិបត្តិរបស់ក្លឹបនិងជាសហស្ថាបនិកផងបានធ្វើការងារយ៉ាងសកម្មក្នុងការស្វែងរកគ្រូបង្វឹកនិងកីឡាករចំណូលថ្មីមកជួយដល់ក្លឹបដែលទើបតែកកើតថ្មីមួយនេះហើយជាពិសេស
នៅក្រោយបណ្តេញចេញលោក Diego Alonso ពីក្លឹបកាលពីដើមខែកន្លងមកនេះ។
ត្រឹមថ្ងៃចន្ទម្សិលមិញនេះ លោក Neville បានប្រកាសចាកចេញ ពីតំណែងជាគ្រូបង្វឹកស្ត្រី របស់ជម្រើសជាតិអង់គ្លេសហើយ ទទួលយកតំណែង ជាគ្រូបង្វឹករបស់ Inter Miami ភ្លាមៗផងដែរ និងជាបទពិសោធដំបូង ក្នុងនាមជាគ្រូបង្វឹកបាល់ទាត់បុរស៕
ប្រែសម្រួល៖ស៊ុនលី
