មកដល់ពេលនេះគ្រូបង្វឹក របស់ក្លឹបបិសាចក្រហម Man UTD លោក Ole Solskjare នៅតែបន្តសម្លឹងមើលឧិកាសក្នុងការនាំយកកីឡាករ ខ្សែការពារឆ្នើមម្នាក់ដើម្បីអាចមកចាប់ដៃគូគ្នាជាមួយនឹង Maguireដដែល។
យោងតាមការចេញផ្សាយរបស់ the Goal បានអះអាងថាបច្ចុប្បន្ន Man UTD កំពុងត្រៀមខ្លួនរួចទៅហើយនិងកញ្ចប់លុយមួយចំនួនផងដើម្បីអាចចរចា នាំយកតារាឆ្នើមម្នាក់របស់ក្លឹប Sevilla គឺកីឡាករ Jules Kounde មកកាន់ទឹកដី Old Trafford។
កីឡាករវ័យ២២ឆ្នាំរូបនេះមិនត្រឹមតែ Man UTD នោះទេមកដល់ពេលនេះសូម្បីតែBayern Munich , Juventus និង Real Madrid ផងសុទ្ធតែជាអ្នកចាប់អារម្មណ៍ខ្លាំងចំពោះកីឡាកររូបនេះដូចគ្នា ប៉ុន្តែជឿជាក់ថានឹងត្រូវចំណាយយ៉ាងហោចណាស់៦០លានផោន ទើបអាចពិភាក្សាគ្នាជាមួយនឹង Sevilla បាន៕
ប្រែសម្រួល៖ស៊ុនលី
