លោក Andrea Pirlo គ្រូបង្គោលក្លឹប Juventus បាននិយាយកាលពីពេលថ្មីៗនេះថា ខ្សែប្រយុទ្ធព័រទុយហ្គាល់កីឡាករ Cristiano Ronaldo ត្រូវការសម្រាក ទើបលោកសម្រេចចិត្តដូរកីឡាកររូបនេះចេញ អំឡុងប្រកួតដ៏តឹងតែងពេល ប៉ះជាមួយ Inter Milan។
លោកបានលើកឡើងថា៖ ” ខ្ញុំយល់ច្បាស់ពីអារម្មណ៍មិនសប្បាយចិត្ត ពេលកីឡាករចេញពីប្រកួតមួយ ដែលគេចង់ជួយក្រុមរបស់គេ។ តែវាគ្មានច្បាប់ណាមកហាមឃាត់ថា Ronaldo ដូរចេញមិនកើតទេ ” ។
លោកបានបន្តថា៖ ” Ronaldo ជាកីឡាករគ្រឹះរបស់យើងក៏ពិតមែន តែគេក៏ត្រូវការដកដង្ហើមដែរ គេត្រូវតែលេងឲ្យល្អជានិច្ច ” ។
បុរសជនជាតិអ៊ីតាលីក៏ទម្លាយទៀតថា លោកបានប្រាប់ Ronaldo ឲ្យសម្រាកត្រៀមប្រកួតប៉ះនឹងក្លឹប Roma នៅក្នុងថ្ងៃសៅរ៍នេះ៕ ប្រភព៖ sabay
