ឆ្នាំនេះ Cristiano Ronaldo បានឈានចូលវ័យ៣៦ឆ្នាំហើយ ខណៈដែលវ័យនេះទៀតសោតក៏ជាវ័យដែលរូបគេទំនងជាជិតអស់ពេល សម្រាប់អាជីពបាល់ទាត់ផងដែរ។
ក្នុងថ្ងៃខួបកំណើតនេះដែរ Ronaldo បានសរសេរសារដ៏មានន័យ និងសុំទោសអ្នកគាំទ្រផងដែរ។ ក្នុងនោះ រូបគេបានបញ្ជាក់ អាជីពបាល់ទាត់២០ឆ្នាំមកនេះ ពិតជាមានន័យនិងរឿងគួរឱ្យត្រូវចាំច្រើនមែនទែន។ ដល់អាយុនេះ Ronaldo សុំទោសអ្នកគាំទ្រផងដែរ ដោយរូបគេមិនអាចធានា២០ឆ្នាំទៅមុខទៀតអាចលេងបាល់ទាត់ឡើយ។ ខណៈដែលកីឡាករព័រទុយហ្គាល់រូបនេះ បានបញ្ជាក់ច្បាស់ហើយថា ការប្រកួត World Cup 2022 គឺជាឆ្នាំចុងក្រោយរបស់គេ ក្នុងជម្រើសជាតិហើយ។
រំលឹកថា Ronaldo បានឈ្នះពានរង្វាន់ជាច្រើន ទាំងនៅក្លឹបអាជីព Man Utd , Real Madrid និង Juventus ស្របពេលនៅជម្រើសជាតិវិញ ក៏បានឈ្នះពានរង្វាន់ជូនជាតិហើយដែរ។ កីឡាករវ័យ៣៦ឆ្នាំនេះ បានជាប់ឈ្មោះជាកីឡាករល្អបំផុត ប្រចាំសតវត្សទី២១ផងដែរ កាលពីពេលថ្មីនេះ៕ ប្រភព៖ sabay
