ខ្សែប្រយុទ្ធក្លឹប Paris Saint Germain កីឡាករ Kylian Mbappe បាននិយាយកាលពីពេលថ្មីៗ គេនៅបន្តលេងឲ្យក្លឹបនេះទៀត មិនងាយផ្លាស់ទៅក្លឹបណាផ្សេងឡើយ។
Mbappe បាននិយាយថា៖” បានពាក់អាវ PSG ដូចរាល់ថ្ងៃនេះជាអ្វីមួយ ដែលខ្ញុំពេញចិត្តណាស់ទៅហើយ។ ខ្ញុំមិនមែនល្ងង់ខ្លៅ ទៅសម្រេចចិត្តដូរក្លឹបភ្លាមៗ ដោយសារតែធ្វើបានល្អក្នុងប្រកួត នៅថ្ងៃនេះទេ “។
កីឡាករនេះបានបន្តថា៖” នេះគ្រាន់តែជាអ្វីមួយ ដែលខ្ញុំត្រូវតែធ្វើវាវែងឆ្ងាយទៀតប៉ុណ្ណោះ។ ដូចខ្ញុំតែងតែនិយាយអញ្ចឹង ខ្ញុំពេញចិត្តនឹង PSG រហូតមក ហើយការប្រកួតអញ្ចឹងៗ ធ្វើឲ្យខ្ញុំកាន់តែស្រលាញ់ក្លឹបនេះថែមទៀត “។
គួរបញ្ជាក់ផងដែរថា នៅក្នុងការប្រកួតក្នុងថ្ងៃនេះ Mbappe ជួយ PSG តទល់នឹង Barca ក្របខ័ណ្ឌ UEFA Champions League ក្នុងលទ្ធផលឈ្នះ ៤-១ បាន៣គ្រាប់ ដោយសារតែបែបនេះ មានពាក្យចចាមអារ៉ាមបានលើកឡើង នឹងមានក្លឹបធំៗជាច្រើនទាក់ទងយកគេនៅរដូវកាលក្ដៅខាងមុខ៕ sabay
