the Goal នៅថ្ងៃនេះបានឲ្យដឹងថា ក្លឹបយក្សអេស្បាញ Real Madrid គឺកំពុងធ្វើការតាមដានយ៉ាងជិតស្និទ្ធ ជាមួយនឹងកីឡាករ ខ្សែការពារអន្តរជាតិអេស្បាញម្នាក់ ដែលមាន
វ័យទើប២៤ឆ្នាំ ហើយក៏បានត្រៀមខ្លួនផងដែរ ជាមួយនឹងតម្លៃខ្លួនដ៏ថ្លៃគួរសមមួយ។
កីឡាករ Pau Torres ដែលបច្ចុប្បន្នកំពុងលេងឲ្យក្លឹប Villareal បានក្លាយទៅជាគោលដៅ របស់ Real Madrid ដ៏មានសក្តានុពលបំផុត ជាពិសេសនៅពេលដែលព័ត៌មាន
នៃការចាកចេញ របស់កីឡាករជើងចាស់ Sergio Ramos ពី Los Blancos នារដូវក្តៅខាងមុខផងនោះ។
ទោះបីជាយ៉ាងណាក្តី Real Madrid នឹងត្រូវប្រឈមមុខ ទៅនឹងការស្នើសុំតម្លៃខ្លួនពីសំណាក់ក្លឹប Villareal ក្រោមការដឹកនាំរបស់លោក Unai Emery ក្នុងទំហំប្រមាណជា
៦៥លានអ៊ឺរ៉ូ ដោយសារតែបច្ចុប្បន្ន Torres គឺមានកុងត្រា ដែលនៅសេសសល់ រហូតដល់ឆ្នាំ២០២៤៕
ប្រែសម្រួល៖ស៊ុនលី
