ក្លឹប Paris Saint Germain ត្រូវបានពាក្យចចាមអារ៉ាម ជាច្រើនលើកឡើង ប្រសិនបើខ្សែប្រយុទ្ធ Kylian Mbappe ពិតជាចាកចេញទៅលេងឲ្យក្លឹបផ្សេងមែន នៅរដូវកាលខាងមុខ ក្លឹបនេះនឹងឃើញនឹកឃើញខ្សែប្រយុទ្ធលំដាប់ៗ ២រូប ដោយជម្រើសទី១ជា Lionel Messi និងជម្រើសទី២ជា Cristiano Ronaldo នេះបើយោងតាមការចុះផ្សាយ របស់ Marca ថ្មីៗនេះ។
បើតាមប្រភពខាងលើ Ronaldo ជាជម្រើសចុងក្រោយរបស់ PSG ក្នុងករណីដែលខ្សែប្រយុទ្ធ Lionel Messi មិនព្រមមកជំនួស ខ្សែប្រយុទ្ធខាងលើរបស់ខ្លួនប៉ុណ្ណោះ។
ប៉ុន្តែរវាងខ្សែប្រយុទ្ធទាំងពីរ ដែល PSG ចង់បាន Ronaldo អាចនឹងងាយមកលេងឲ្យក្លឹបនេះជាង ព្រោះតែភ្នាក់ងារកីឡាកររូបនេះ និងប្រធានក្លឹបបារាំង មានទំនាក់ទំនងគ្នាជិតដិត។
យ៉ាងណាក្ដីព័ត៌មានខាងលើ មិនទាន់ជាច្បាស់ការនៅឡើយទេ ដោយមកទល់នឹងពេលនេះមិនទាន់មានភាគីខាងណាមួយ ចេញមុខបកស្រាយនៅឡើយ៕ ប្រភព៖ sabay
