កីឡាករខ្សែប្រយុទ្ធប៊ែលហ្ស៊ិក Lukaku ត្រូវបានកាសែតអង់គ្លេស Telegraph ចេញផ្សាយថានឹងអាចផ្ទេរត្រឡប់មកចូលរួមជាមួយនឹងលីគកំពូលអង់គ្លេសវិញ ហើយខណៈដែលក្លឹបមួយកំពុងចាប់អារម្មណ៍លើរូបគាត់។
ក្លឹបតោខៀវ Chelsea ត្រូវបានគេដឹងថាកំពុងតែពិចារណាក្នុងការចុះកុងត្រានាំយក Lukaku រូបនេះពីក្លឹបយក្សអ៊ីតាលី Inter Milan មកវិញក្នុងករណីដែលក្លឹប នឹងពិតជាមិនអាចចរចាទិញបានខ្សែប្រយុទ្ធវ័យក្មេង Erling Haaland នៅរដូវក្តៅនេះទេនោះ។
Haaland ដែលកំពុងមានទំរង់លេងខ្លាំងនៅ Dortmund នៅពេលនេះកំពុង បានក្លាយទៅជាគោលដៅពិសំណាក់ក្លឹបធំៗជាច្រើនដែលមានន័យថា Chelsea នឹងមិនមែនជាក្លឹបតែមួយដែលចង់បានគាត់ឡើយ ដែលក្នុងនោះក៏មានដូចជា Real Madrid, Barcelona និង Man City ផងដែរ។
គួរឲ្យដឹងដែរថា Lukaku កាលពីរដូវកាលមុននោះគឺជាកីឡាកររបស់ក្លឹបបិសាចក្រហម Man UTD នោះទេប៉ុន្តែដោយសារតែមិនអាចបង្ហាញ សមត្ថភាពបានល្អសោះនៅ Old Trafford ទើបធ្វើឲ្យក្លឹបសម្រេចចិត្តលក់គាត់ចោលទៅអ៊ីតាលីបន្ទាប់ពីកុងត្រាខ្ចីជើងរួចមក៕
ប្រែសម្រួល៖ស៊ុនលី
