Manchester United ត្រូវបានគេដឹងថា បានដាក់សំណើយ៉ាងភ្ញាក់ផ្អើល ចង់យកវីរបុរស របស់ Manchester City គឺ Sergio Aguero ពេលដែលកុងត្រារបស់គេអស់នៅចប់រដូវក្ដៅនេះ ។
City បានប្រកាសកាលពីថ្ងៃច័ន្ទថា ម្ចាស់កំណត់ត្រារកគ្រាប់បាល់ របស់ពួកគេ Aguero នឹងចាកចេញពីក្លឹប ពេលដែលកុងត្រា របស់គេផុត កំណត់នៅខែ មិថុនា បន្ទាប់ពីចំណាយ ពេលអស់១០ឆ្នាំ ។ ផ្អែកតាមសារព័ត៌មានបារាំង Foot Mercato ឲ្យដឹងថា កីឡាករសញ្ជាតិ អាហ្សង់ទីន មានក្លឹបធំៗ ៥ចង់បាន ក្នុងនោះមាន United ដែរ ។
ប្រភពដដែលបញ្ជាក់ថា កីឡាករវ័យ៣២ឆ្នាំ ទទួលបានសំណើយ៉ាងតិច៥ក្លឹប ក្នុងតំបន់អឺរ៉ុប ក្នុងនោះ Inter Milan និង PSG សុទ្ធតែចង់បាន។ Chelsea ក៏ជាបេក្ខភាពមួយដែរ ក្នុងការចង់បាន Aguero ខណៈ Man Utd ក៏សម្លឹងឃើញដូចគ្នា។
Aguero ធ្លាប់និយាយថា គេចង់បន្តលេងនៅ Premier League នៅរដូវកាលក្រោយ ។ ដូច្នេះមានន័យថា ក្លឹបនៅប្រទេសអង់គ្លេស អាចមានអទិភាពខ្ពស់យកបានខ្សែប្រយុទ្ធរូបនេះ ៕ sabay
