លោក Jurgen Klopp បាននិយាយថា លោកនឹងមិនសោកស្ដាយឡើយ ប្រសិនបើគ្មានឱកាសដឹកនាំ Real Madrid នៅថ្ងៃណាមួយ។
មុនជំនួបរវាង Liverpool ប៉ះ Real Madrid វគ្គ៨ក្រុមចុងក្រោយ Champions League រាត្រីនេះលោក Klopp ត្រូវបានសួរពីអ្នកកាសែតអេស្ប៉ាញអំពីលទ្ធភាពក្នុងការដឹកនាំនៅ La Liga។ អ្នកចាត់ការសញ្ជាតិអាល្លឺម៉ង់បានបញ្ចេញមតិថា ប្រសិនសិនបើចុងបញ្ចប់នៃអាជីពលោកដឹងនាំបានតែ៣ក្លឹប រួមមាន Mainz, Dortmund និង Liverpool ក៏លោកមិនមានអ្វីស្ដាយដែរ។
“អ្នកសួរតើខ្ញុំស្ដាយទេដែលមិនបានដឹកនាំ Real Madrid? ខ្ញុំគិតថាដូចមិនស្ដាយទេ។ ប៉ុន្តែពេលដែលខ្ញុំចុះពីយន្តហោះនៅថ្ងៃនេះ ខ្ញុំស្ដាយដែលមិនបានរស់នៅទីនេះ ព្រោះអាកាសធាតុនៅទីនេះល្អណាស់”។ សម្ដីរបសើ Klopp៕
