ប៉េកាំង ៖ រដ្ឋាភិបាលចិន បានព្រមានទីក្រុងវ៉ាស៊ីនតោន កុំធ្វើពហិកា ចូលរួមព្រឹត្តិការណ៍អូឡាំពិក រដូវរងាឆ្នាំក្រោយ នៅទីក្រុងប៉េកាំង បន្ទាប់ពីរដ្ឋបាលលោក Biden បាននិយាយថា ខ្លួនកំពុងជជែក ជាមួយសម្ព័ន្ធមិត្ត អំពីវិធីសាស្រ្តរួមគ្នា ក្នុងការតវ៉ាអំពីការរំលោភសិទ្ធិមនុស្ស យោងតាមការចេញផ្សាយ ពីគេហទំព័រជប៉ុនធូដេ ។
អ្នកនាំពាក្យក្រសួងការ បរទេសបានច្រានចោល ការចោទប្រកាន់ នៃការរំលោភ បំពានលើជនជាតិភាគតិច នៅក្នុងតំបន់ស៊ីនជាំង លោកបានព្រមាន អំពីការឆ្លើយតបរបស់ចិន ដែលមិនបានបញ្ជាក់ច្បាស់លាស់ ចំពោះការធ្វើពហិកា កីឡាអូឡាំពិក ។
អ្នកនាំពាក្យលោក Zhao Lijian បានមានប្រសាសន៍ថា ការធ្វើនយោបាយផ្នែក នយោបាយនឹងធ្វើឲយខូចខាត ដល់ស្មារតីនៃធម្មនុញ្ញអូឡាំពិក និងផលប្រយោជន៍ របស់អត្តពលិកមកពីគ្រប់ប្រទេស ។ សហគមន៍អន្តរជាតិរួមទាំងគណៈកម្មាធិការអូឡាំពិក សហរដ្ឋអាមេរិក នឹងមិនទទួលយកវាឡើយ ។ ក្រុមសិទ្ធិមនុស្សកំពុងធ្វើការ តវ៉ាប្រឆាំងនឹងការបង្ហោះ ការប្រកួតរបស់ប្រទេសចិន នឹងចាប់ផ្តើមនៅខែកុម្ភៈឆ្នាំ ២០២២ ។ ពួកគេបានជំរុញឲ្យធ្វើពហិកា ឬវិធានការផ្សេងទៀត ដើម្បីយកចិត្តទុកដាក់ចំពោះការចោទប្រកាន់ ពីការរំលោភបំពាន របស់ចិនប្រឆាំងនឹងUyghurs ទីបេ និងប្រជាជនហុងកុង ។
ក្រសួងការបរទេស សហរដ្ឋអាមេរិក បានលើកឡើងថា ការធ្វើពហិកាអូឡាំពិក ស្ថិតក្នុងចំណោមលទ្ធភាព អាចកើតមាន ប៉ុន្តែមន្ត្រីជាន់ខ្ពស់ម្នាក់ បាននិយាយថា ក្រោយមកការធ្វើពហិកា មិនត្រូវបានពិភាក្សាទេ ។ គណៈកម្មាធិការអូឡាំពិកអន្តរជាតិ និងគណៈកម្មាធិការអូឡាំពិក និងប៉ារ៉ាឡាំពិកសហរដ្ឋអាមេរិកបាននិយាយកាលពីពេលកន្លងមកថា ពួកគេប្រឆាំងនឹងការធ្វើពហិកា ៕ដោយ៖លី ភីលីព
