កីឡាករខ្សែប្រយុទ្ធប្រេស៊ីល Vinicius ដែលលេងក្នុងលក្ខខណ្ឌខ្ចីជើងជាមួយនឹងក្លឹប Spurs ត្រូវបានគេជឿជាក់ថានឹងត្រៀមធ្វើដំណើរត្រឡប់ ទៅក្លឹបដើមរបស់ខ្លួនវិញហើយ
Benfica នៅពេលខាងមុខនេះ។
ខណៈដែលខ្សែប្រយុទ្ធជួរមុខ Harry Kane ក៏នឹងត្រូវចាកចេញពី Spurs នៅរដូវក្តៅនេះដែរនោះមានន័យថាក្លឹបក៏នឹងត្រូវបាត់បង់កីឡាករខ្សែប្រយុទ្ធមួយ រូបទៀតផងដែរក្នុង
ពេលដំណាលគ្នានេះដោយ Carlos Vinicius នឹងត្រូវត្រឡប់ទៅកាន់ក្លឹបចាស់ Benfica របស់ខ្លួនវិញនៅពេលទីផ្សារដោះដូរនឹងឈានមកដល់។
ឆ្នាំនេះ Vinicius រកបានតែ១គ្រាប់ប៉ុណ្ណោះក្នុងលីគកំពូលអង់គ្លេសទោះបីជាការបង្ហាញខ្លួននៅពាន Europa League គាត់អាចរកបាន៦គ្រាប់និងជួយមិត្តរួមក្លឹបរកបាន៣គ្រាប់ ផងដែរក្តី។
Spurs ត្រូវបានគេដឹងដែរថា នឹងត្រូវចំណាយលុយយ៉ាងហោចណាស់៣៦លានផោន សម្រាប់អាចបង្គ្រប់លក្ខខណ្ឌក្នុងការរក្សាទុកកីឡាករ ប្រេស៊ីលវ័យ២៦ឆ្នាំនេះជាមួយនឹងក្លឹបប៉ុន្តជឿជាក់ថាវា មិនមែនជាតម្លៃដែលក្លឹបចង់ពិចារណានោះឡើយ៕ ប្រែសម្រួល៖ស៊ុនលី
