ខ្សែប្រយុទ្ធ Edinson Cavani បានយល់ព្រមបន្តកុងត្រាថ្មី ជាមួយ Manchester United រយៈពេលមួយឆ្នាំទៀត ដោយគេដឹងថា អាចទទួលបានតម្លៃពលកម្ម២៥ម៉ឺនផោន ក្នុងមួយសប្ដាហ៍ ។
កីឡាករសញ្ជាតិ អ៊ុយរុយហ្គាយ មានការទាក់ទងចង់ បានខ្លាំងពីក្លឹប Boca Juniors ក្នុងប្រទេសអាហ្សង់ទីន ។ ប៉ុន្តែកាលពីថ្ងៃច័ន្ទម្សិលមិញ កីឡាករវ័យ៣៤ឆ្នាំបានសម្រេចចិត្តបន្ត នៅបិសាចក្រហមមួយឆ្នាំទៀត ។
តាមការរំពឹងទុក Cavani នឹងទទួលបានថ្លៃនឿយហត់២៥ម៉ឺនផោន ក្នុងមួយសប្ដាហ៍ ។ រដូវកាលនេះអតីតកីឡាកររបស់ PSG បានជួយ United ឡើងដលវគ្គផ្ដាច់ព្រ័ត្រ Europa League ត្រូវប៉ះ Villarreal ។ គេរកបាន១៥គ្រាប់ ក្នុងការបង្ហាញខ្លួន ៣៥ប្រកួត គិតគ្រប់កម្មវិធីឲ្យ Man Utd រដូវកាលនេះ ៕
