តូក្យូ ៖ ការស្ទង់មតិរបស់សារព័ត៌មានក្យូដូ បានបង្ហាញក្រោយការឆ្លង នៅប្រទេស នៅតែបន្តកើន ឡើង ហើយការចាក់វ៉ាក់សាំង នៅតែមានល្បឿនយឺត ជាង៣ខែមុន ការប្រកួតសម្រាប់ប្រជាជនជប៉ុន សរុប ៥៩,៧ ភាគរយជឿជាក់ថា ព្រឹត្តិការណ៍ការប្រកួតកីឡា អូឡាំពិកនិងប៉ារ៉ាឡាំពិក នៅរដូវក្តៅនេះ គួរតែត្រូវបានលុបចោល យោងតាមការចេញផ្សាយ ពីគេហទំព័រជប៉ុនធូដេ ។
ការស្ទង់មតិតាមទូរស័ព្ទ ទូទាំងប្រទេសរយៈពេល២ថ្ងៃ ដែលធ្វើឡើងពីថ្ងៃសៅរ៍ ក៏បានរកឃើញថា ២៥,២ ភាគរយបាននិយាយថា ការប្រកួតត្រូវតែធ្វើឡើង ដោយគ្មានអ្នកទស្សនាខណៈ ១២,៦ ភាគរយពេញចិត្តក្នុងការប្រារព្ធព្រឹត្តិការណ៍កីឡា ពិភពលោក ដែលមានចំនួនអ្នក ទស្សនាមានកំណត់។ លទ្ធផលនេះឆ្លុះបញ្ចាំង ពីការកើនឡើង នូវការសង្ស័យទៅលើការ កាន់កាប់ការប្រកួត ត្រូវបានពន្យារពេលមួយឆ្នាំរួចមកហើយ ដោយសារតែជំងឺឆ្លង នៃមេរោគនេះ ចំណែកប្រទេសនេះ កំពុងប្រឈមនឹងរលកឆ្លងទី៤ នៃការឆ្លងដែលពាក់ព័ន្ធ នឹងវ៉ារ្យ៉ង់ចម្លងរោគ ។
ទោះបីជាអ្នករៀបចំអូឡាំពិក បានសម្រេចរួចហើយថា នឹងមិនមានអ្នកទស្សនា នៅក្រៅប្រទេសដើម្បីការពារការរីករាលដាល នៃវីរុសនេះទេ ការស្ទង់មតិបានបង្ហាញថា ៨៧.៧ ភាគរយមានការព្រួយបារម្ភថា ការហូរចូលនៃអត្តពលិក និងបុគ្គលិកមកពីបរទេស អាចរាលដាលវីរុសនេះ។ កីឡាអូឡាំពិកទីក្រុងតូក្យូគ្រោង នឹងបើកនៅថ្ងៃទី ២៣ ខែកក្កដា ខណៈប៉ារ៉ាឡាំពិកគ្រោង នឹងចាប់ផ្តើមនៅថ្ងៃទី ២៤ ខែសីហា ។
ទីក្រុងតូក្យូស្ថិតក្នុងចំណោម ខេត្តចំនួន ៩ ដែលបច្ចុប្បន្ន ស្ថិតក្រោមភាព អាសន្ន នៃនឹងមានរយៈពេលរហូតដល់ថ្ងៃទី ៣១ ខែឧសភា។ លទ្ធផលទាក់ទង នឹងសំណួរស្តីពីការប្រារព្ធព្រឹត្តិការណ៍ អូឡាំពិកមិនមានទិន្នន័យអាចប្រៀបធៀប បានពីការស្ទង់មតិរបស់សារព័ត៌មាន ក្យូដូមុននេះទេ ខណៈលទ្ធផលចុងក្រោយបំផុតមិនបានសួរថា តើការប្រកួត គួរតែត្រូវបានរៀបចំឡើងវិញឬយ៉ាងណា ។
ការស្ទង់មតិ កាលពីខែមេសា ៣៩,២ ភាគរយ ជឿជាក់ថា ព្រឹត្តិការណ៍នេះគួរតែត្រូវ បានលុបចោលចំណែក ៣២,៨ ភាគរយគិតថា ពួកគេគួរតែរៀបចំ ពេលវេលាឡើងវិញ ដោយមានតែ ២៤,៥ ភាគរយនិយាយថា ការប្រកួតគួរតែត្រូវបានធ្វើឡើង តាមការគ្រោងទុក៕ ដោយ៖លី ភីលីព
