តូក្យូ ៖ នាយករដ្ឋមន្រ្តី Yoshihide Suga បានបដិសេធសំណួរថា តើព្រឹត្តិការណ៍ ការប្រកួតកីឡាអូឡាំពិក ទីក្រុងតូក្យូ អាចត្រូវបានធ្វើឡើង ក្រោមស្ថានភាព អាសន្នដែរឬទេ ? ដោយគ្រាន់ តែ និយាយថា រដ្ឋាភិបាល នឹងបន្តរៀបចំខ្លួន នៅពេលដែលស្តាប់ មតិយោបល់ជាច្រើន យោងតាមការចេញផ្សាយ ពីគេហទំព័រជប៉ុនធូដេ ។
ថ្ងៃទី២០ ខែមិថុនា ហាក់ដូចជាត្រូវបានជ្រើសរើស ជាកាលបរិច្ឆេទផុត កំណត់ថ្មី សម្រាប់ស្ថានភាពអាសន្ន យ៉ាងហោចណាស់ មួយផ្នែក នៃការពិចារណា សម្រាប់ថ្ងៃផុតកំណត់ នៅចុងខែនោះ ដើម្បីសម្រេចថា តើមានអ្នកទស្សនាក្នុងស្រុកប៉ុន្មាននាក់ ត្រូវអនុញ្ញាតឲ្យចូលរួម ក្នុងព្រឹត្តិការណ៍ អូឡាំពិករដូវក្តៅ អ្នកគាំទ្រនៅបរទេស នឹងមិនត្រូវបានអនុញ្ញាតទេ ។
អ្នកឃ្លាំមើល អាច ត្រូវអនុញ្ញាត ដោយមិនមាន ហានិភ័យច្រើននោះទេ ។ ទន្ទឹមនឹងនេះលោក Suga បានសន្យាថា នឹងចាត់វិធានការ ដើម្បីការពារវីរុស ពីការរីករាលដាល រួមទាំងការរក្សាអត្តពលិក និង បុគ្គលិកពីការទំនាក់ទំនង ផ្ទាល់ជាមួយសាធារណជន និងធ្វើតេស្តិ៍ ពួកគេឲ្យបានទៀងទាត់ ។ លោកថ្លែង នៅក្នុងសន្និសីទថ្មីថា ខ្ញុំដឹងថា មនុស្សជាច្រើនមានការព្រួយបារម្ភ ដោយយកចិត្តទុកដាក់លើ កង្វល់ទាំងនោះយើង នឹងបន្តធ្វើការឆ្ពោះទៅរកល្បែង ដែលមានសុវត្ថិភាព លើសុវត្ថិភាព ។
រដ្ឋាភិបាលបានពន្យាពេលអាសន្ននៃCOVID-19 ក្នុងទីក្រុងតូក្យូ អូសាកា និងអាណាខេត្ត ៧ ផ្សេងទៀត ក្នុងរយៈពេល ៣ សប្តាហ៍ដល់ថ្ងៃទី ២០ ខែមិថុនា ពោលគឺជាងមួយ ខែមុនពេលព្រឹត្តិការណ៍ កីឡាអូឡាំពិកចាប់ផ្តើម នៅក្នុងរដ្ឋធានី ខណៈល្បឿន នៃការធ្លាក់ចុះ នៃការឆ្លងនៅតែយឺត ។
ការរឹតត្បិតដូចជាការ ហាមឃាត់ភោជនីយដ្ឋាន លក់ស្រា ឬផ្តល់សេវាកម្មខារ៉ាអូខេ និងតម្រូវឲ្យពួកគេបិទទ្វារ ត្រឹមម៉ោង ៨ យប់ ។ ក៏ដូចជាការចូលរួមក្នុង ព្រឹត្តិការណ៍កីឡា និងការប្រគំតន្ត្រី នឹងនៅតែមានប្រសិទ្ធិភាពលើសពីកាលបរិច្ឆេទបញ្ចប់នៃថ្ងៃទី ៣១ ខែឧសភា ។
អាណាខេត្តទាំង ៧ គឺHokkaido, Aichi, Kyoto, Hyogo, Okayama, Hiroshima and Fukuoka. Okinawa ជាការបន្ថែមទី ១០ និងថ្មីបំផុត ដល់ស្ថានភាព អាសន្នគឺស្ថិតនៅក្រោមវិធានការនេះ ហើយរហូតដល់ថ្ងៃទី ២០ ខែមិថុនា ។ តំបន់ដែលគិតជាពាក់កណ្តាល នៃសេដ្ឋកិច្ចរបស់ប្រទេសជប៉ុន និងច្រើនជាង ៤០ ភាគរយ នៃចំនួនប្រជាជនសរុប ១២៦ លាននាក់ ៕ដោយ៖លី ភីលីព
