កាន់តែកៀក ទៅនឹងរដូវកាល នៃការដោះដូរ ទៅហើយមកដល់ពេលនេះ គេបានដឹងថា ក្លឹបកាំភ្លើងធំ Arsenal កំពុងតែធ្វើការស្វែង រកកីឡាករ ជំនួស តំណែងម្នាក់ ដើម្បីអាចបំពេញកន្លែង របស់កីឡាករអន្តរជាតិ ស្វីស Granit Xhaka ដែលកំពុងនឹងត្រៀមខ្លួន ចាកចេញទៅលេងនៅអ៊ីតាលីជាមួយនឹងក្លឹប Roma ។
កាំភ្លើងធំ Arsenal និង Roma បានឈានទៅដល់មួយចំណុចទៀត ហើយដើម្បីឲ្យកិច្ចព្រមព្រៀង នៃការដោះដូរកីឡាករ Xhaka អាចកើតឡើងបាន ប៉ុន្តែក្នុងនោះក្លឹបអង់គ្លេស មួយនេះក៏បានត្រៀមចិត្តត្រៀម កាយព្រមទាំងចាប់ផ្តើមកិច្ចចរចា ជាមួយនឹងក្លឹប Wolves ផងរួចទៅហើយដើម្បីកីឡាករម្នាក់ មកជំនួសតំណែងនេះ ។
កិច្ចព្រមព្រៀងនេះ ត្រូវបានធ្វើឡើងអស់ រយៈពេលជាច្រើនថ្ងៃមកហើយ ប៉ុន្តែនៅមិនទាន់ឈាន ដល់ចំណុចព្រមព្រៀងគ្នា នៅឡើយដើម្បីនាំយកកីឡាករ Ruben Neves ទៅចូលរួមជាមួយ នឹង Arsenal នារដូវកាល ក្រោយ ខណៈដែល Wolves បានទាមទារកីឡាករឆ្នើម របស់ខ្លួនរូបនេះប្រមាណ ជា៣៥លានផោន ។
ក្នុងពេលជាមួយគ្នានេះ Arsenal កំពុងតែទាមទារតម្លៃខ្លួន របស់ Xhaka ប្រមាណជា២០លានផោនផងដែរពី Roma ទោះបីជាកីឡាករមានកុងត្រា នៅសល់តែ២ឆ្នាំទៀតក្តី ៕
ប្រែសម្រួល៖ស៊ុនលី
