រដ្ឋាភិបាលអ៊ីតាលី បានប្រកាសហើយថា នឹងចាប់ពិន័យអ្នកគាំទ្រ អង់គ្លេសជាប្រាក់ ២ ៥០០ផោន ប្រសិនបើពួកគេនៅតែមានចិត្តលួចទៅមើលការប្រកួតរវាងអ៊ុយក្រែន និងអង់គ្លេស នៅក្រុង Rome ប្រទេសអ៊ីតាលី។
អង់គ្លេសទទួលបានសំបុត្រច្រើនដែរ សម្រាប់ការប្រកួតនេះ ប៉ុន្តែដោយសារតែមានបញ្ហារឹតត្បិតកូវីដ១៩ អ្នកគាំទ្រចេញពីអង់គ្លេសទៅ នឹងមិនអាចចូលទស្សនាការប្រកួតខាងលើនេះបានទេ ។ ប្រសិនបើពួកគេទៅ ក៏ត្រូវទៅមុន៥ថ្ងៃដើម្បីធ្វើចត្ដាឡីស័កដែរ ហើយពេលត្រលប់មកអង់គ្លេសវិញ ត្រូវចត្ដាឡីស័ក១០ថ្ងៃទៀត។ ដោយឡែកបើសិនជាលើ្មសវិន័យនេះ នឹងត្រូវពិន័យធ្ងន់តែម្ដង។
កត្ដានេះហើយ ទើបជារដ្ឋាភិបាលអ៊ីតាលី មិនចង់ឱ្យអ្នកគាំទ្រអង់គ្លេស មកទស្សនាការប្រកួតខាងលើនេះទេ ។ ដោយឱ្យតែជនជាតិអង់គ្លេស ដែលកំពុងរស់នៅអ៊ីតាលីស្រាប់តែប៉ុណ្ណោះ ។ ខណៈដែលអង់គ្លេសវិញ ដោយខ្ជិលវែងឆ្ងាយច្រើន ពួកគេក៏មិនបានលក់សំបុត្រ ឱ្យអ្នកគាំទ្រនៅអង់គ្លេសដែរ។ ដូច្នេះនឹងមិនមានអ្នកគាំទ្រចេញពីអង់គ្លេស ទៅអ៊ីតាលីមើលបាល់ទាត់ឡើយ ៕ sabay
