ភ្នាក់ងាររបស់ Cristiano Ronaldo លោក Jorge Mendes ត្រូវបានគេរាយការណ៍ថា កំពុងតែធ្វើការក្នុងការបន្ថែម កុងត្រាថ្មីរបស់គេជាមួយក្លឹប Juventus។
Ronaldo ហាក់មានអារម្មណ៍មិនរីករាយលេង ក្រោមការដឹកនាំរបស់ Andrea Pirlo ដោយ Juventus បានរបូតពាន Serie A ដែលខ្លួនគ្រង ៩រដូវកាលជាប់គ្នា និងធ្លាក់ចេញពី Champions League ត្រឹមវគ្គ១៦ក្រុមចុងក្រោយ ដោយសារក្រុម Porto។
ខ្សែប្រយុទ្ធរូបនេះធ្លាប់មាន ការទាក់ទងផ្លាស់ទៅ Manchester United និង PSG ក្នុងរដូវក្ដៅនេះ។ ប៉ុន្តែពេលនេះគេអាចនឹងបន្តស្នាក់នៅប្រទេសអ៊ីតាលី ក្រោមការដឹកនាំ របស់អ្នកចាត់ការថ្មីលោក Max Allegri។
កុងត្រារបស់ Ronaldo នឹងអស់នៅរដូវក្ដៅក្រោយ ប៉ុន្តែភ្នាក់ងាររបស់កីឡាករ សញ្ជាតិព័រទុយហ្គាល់ លោក Jorge Mendes កំពុងចចារជាមួយ Juventus ដើម្បីពង្រីកកុងត្រាបន្ថែម។ Ronaldo នៅមានគោលបំណងធំមួយទៀត គឺចង់ឈ្នះពាន Ballon d’Or ឲ្យបាន៦ដង តាមស្មើកំណត់ត្រារបស់ Lionel Messi៕ ប្រភព៖ សប្បាយ
