ជំនួបរវាង Manny Pacquiao និងអ្នកប្រដាល់មិន ដែលចាញ់ Errol Spence Jr អតីតជើងខ្លាំង Mike Tyson ទាយថា អ្នកប្រដាល់ហ្វីលីពីននឹងឈ្នះ។
Pacquiao វ័យ៤២ឆ្នាំ នឹងឡើងសង្វៀន ដើម្បីដណ្ដើមខ្សែក្រវាត់ WBC និង IBF ប្រភេទទម្ងន់ Welterweight ទល់នឹង Spence នៅថ្ងៃទី ២១ ខែ សីហាខាងមុខ។ មុនការប្រកួតនេះមកដល់ ក៏មានសាកសួរទៅកាន់ Mike Tyson ថា តើ Pacquiao អាចឈ្នះ Specnce ដែរឬទេ?
ថ្លែងប្រាប់ ES News លោក Tyson គិតថា Pacquiao នឹងឈ្នះ ព្រោះតែគេឆ្លាតវៃក្នុងការបំលាស់ទី។ សម្រាប់ចំណុចនេះ លោកក៏បានផ្ដាំឲ្យ Specnce គួរតែប្រុងប្រយ័ត្នផងដែរ ។ Pacquiao ធ្លាប់ផ្ដល់មេរៀនចាញ់ជាលើកដំបូង ទៅកាន់កីឡាករជាច្រើន ហើយជនរងគ្រោះចុងក្រោយគឺ Thurman។
Errol Spence Jr សញ្ជាតិអាមេរិក វាយមិនដែលចាញ់ឡើយ សម្រាប់២៧ប្រកួតរបស់គេ ។ អ្នកប្រដាល់វ័យ៣១ឆ្នាំមានចិត្តចង់វាយឲ្យ Pacquiao បោះបង់ការប្រកួត ហើយឲ្យចូលនិវត្តន៍តែម្ដង ដើម្បីគ្រងតំណែងជាអ្នកខ្លាំង ៕ sabay
