The Goal នៅថ្ងៃអង្គារនេះបានចេញផ្សាយថា កីឡាករចំណូលថ្មី Memphis Depay បានបង្ហាញពីជំហដ៏ម៉ឺងម៉ាត់ របស់ខ្លួនថានឹងត្រុវតែជួយក្លឹបថ្មី Barcelonaឲ្យលើកពានរង្វាន់ បានច្រើនបំផុតតាមដែលអាចធ្វើបាន។
មនុស្សជាច្រើនបានមើលឃើញថា ទំរង់លេងរបស់ខ្សែប្រយុទ្ធហូឡង់រូបនេះ គឺសាកសមបំផុតសម្រាប់តំណែង ប្រយុទ្ធកណ្តាលរបស់ Barcelona ស្របពេលដែល Messi នឹងបន្តមានវត្តមាន ជាមួយនឹងក្លឹបផងដែរនោះ។
គួរឲ្យដឹងដែរថា Depay បានចូលរួមជាមួយនឹង Barcelona ដោយមិនមានតម្លៃខ្លួន ឡើយពីក្លឹប Lyon កាលពីខែមុនហើយនឹងត្រូវចាប់ដៃគួគ្នាជាមួយនឹងកំពូលកីឡាករLionel Messi ដែលទើបតែបានប្រកាសបន្តកុងត្រាថ្មីរយៈពេល ដល់ទៅ៥ឆ្នាំទោះបីជាត្រូវកាត់ប្រាក់ខែពាក់កណ្តាលចេញក្តី៕ប្រែសម្រួល៖ស៊ុនលី
