Paul Pogba កីឡាករខ្សែបម្រើប្រយុទ្ធ ក្លឹបបិសាចក្រហម Man UTD គឺជាអតីតកីឡាករឆ្នើមរបស់ក្លឹបយក្សអ៊ីតាលី Juventus ចន្លោះពីឆ្នាំ២០១២ ដល់ឆ្នាំ២០១៦ ហើយមកទល់ពេលនេះគេជឿជាក់ថាកីឡាកររូបនេះ គឺនៅតែស្ថិតនៅក្នុងបេះដូងរបស់ក្លឹបនៅឡើយ។
ភ្នាក់ងាររបស់កីឡាករលោក Mino Raiola នៅសប្តាហ៍នេះក៏បានចេញមកធ្វើការះអះអាង សាជាថ្មីផងដែរថាកីឡាករបារាំងរូបនេះនឹងអាចវិលត្រឡប់ ទៅកាន់ក្លឹបចាស់របស់គាត់វិញនៅរដូវក្តៅខាងមុខនេះ។
គួរឲ្យដឹងដែរថាមកដល់ពេលនេះ កុងត្រារបស់ Pogba ជាមួយនឹងបិសាចក្រហម Man UTD គឺនឹងត្រូវផុតកំណត់ទៅហើយនៅក្នុងរដូវកាលនេះ ប៉ុន្តែតារាឆ្នើមរូបនេះហាក់ដូចជាមិនទាន់សម្រេចចិត្តនៅឡើយ អំពីការបន្តកុងត្រាថ្មីជាមួយគ្នា៕
ប្រែសម្រួល៖ស៊ុនលី
