កីឡាករបារាំង Rabiot មកដល់ពេលនេះ ត្រូវបានគេជឿជាក់ថា បានធ្វើឲ្យមាន ឥទ្ធិពល តិចតួចប៉ុណ្ណោះ ចំពោះទំរង់លេងរបស់ក្លឹប Juventus ក្នុងរយៈពេល២ រដូវកាលចុងក្រោយនេះ នៅទឹកដី Turin ហើយគ្រូបង្វឹកក៏បានថែមទាំង បញ្ជាក់ត្រង់ៗថា កីឡាករចាំបាច់ត្រូវតែធ្វើការផ្លាស់ប្តូរ។
គ្រូបង្វឹកក្លឹប លោក Massimiliano Allegri បានធ្វើការព្រមានពាក្យសំដីមុតៗ ជាច្រើនទៅកាន់ កីឡាករ Adrien Rabiot កាលពីថ្ងៃអង្គារ ម្សិលមិញថា ចំពោះទំរង់លេងរបស់គាត់ នៅពេលនេះគឺ មិនអាចទទួលយកបានឡើយ ហើយគួរតែស្តីបន្ទោស ចំពោះការមិនខិតខំ ដោយខ្លួនឯង នាពេលកន្លងមកផងនោះ ។
គួរឲ្យដឹងដែរថា ទាំងទំរង់របស់ក្លឹបក្តីនៅពេលនេះ ក៏មិនសូវល្អប៉ុន្មានដែរ ដោយការប្រកួត៦លើក មកហើយនៅក្នុង លីគកំពូលអ៊ីតាលី
Serie A ខ្លួនទទួលបានជ័យជំនះតែ២ ដង ប៉ុណ្ណោះហើយក៏នឹងត្រូវត្រៀម ខ្លួនប្រកួត Champion Leagues ប៉ះក្រុម Chelsea
ផងដែរ ៕
ប្រែសម្រួល៖ស៊ុនលី
