Cristiano Ronaldo បានរួមចំណែកដ៏សំខាន់ រកបានគ្រាប់ចុងក្រោយជួយ Manchester United យកឈ្នះ Villarreal ២-១ ក្នុងការប្រកួត Champions League។
កាលពីយប់មិញ គឺជាការលេងលើកទី១៧៨ប្រកួតក្នុងកម្មវិធី UCL សម្រាប់ Ronald។ ហើយ កីឡាករសញ្ជាតិព័រទុយហ្គាល់ ក៏រកបានគ្រាប់ចុងម៉ោងបំផុតរបស់ United នៅ Champions League ជួយសង្គ្រោះពិន្ទុដល់ក្រុមផងដែរ ។ ជ័យជម្នះបែបនេះ Ole បានសរសើរថា ឲ្យតែមាន Ronaldo សង្ឃឹមនៅតែមាន។
ចប់ការប្រកួត Ole បាននិយាយថា ពេលដែលនេះមាន Cristiano លើទីលាន ឱកាសសម្រាប់ក្រុមនៅតែមាន ។ គេល្អនៅមុខទី និងមានឥទ្ធិពលលើគ្រប់គ្នា ទាំងអ្នកគាំទ្រនិងកីឡាករក្នុងក្រុមទាំងមូល ។ គេធ្លាប់ធ្វើបានបែបនេះច្រើនដងហើយ។ ចាំទេពេលព័រទុយហ្គាល់ ប៉ះអៀរឡង់មួយខែមុន គេទាត់ប៉េណាល់ទីមិនចូល និងប៉ះបាល់បានតិចមែនទែន ប៉ុន្តែនៅចុងម៉ោងគេរកបាន២គ្រាប់ ។
ជ័យជម្នះនេះបានជួយ ឲ្យបិសាចក្រហម ទទួលបាន៣ពិន្ទុ ជាលើកដំបូងនៅ UCL រដូវកាលនេះ ។ កាលពីប្រកួតទីមួយ របស់ពួកគេបានចាញ់ Young Boys ១-២ ៕
