Cristiani Ronaldo ត្រូវរាយការណ៍ថា បានទិញរថយន្តម៉ាក Bugatti មួយគ្រឿងតម្លៃជាង១០លានដុល្លារ ដែលជារថយន្តផលិតមានកំណត់មានតែ១០គ្រឿងគត់ក្នុងលោក។
ឡាន Super Bugatti ខាងលើនេះផលិតឡើងតែ១០គ្រឿងទេ និងមានតម្លៃខ្ពស់ខ្លាំងណាស់ដល់ជាង១០លានដុល្លារ១គ្រឿង។ វាបំពាក់ដោយម៉ាស៊ីន ១៦ ស៊ីឡាំង ចំណុះ ៨,០ លីត្រ ប្រភេទ Quad-Turbo ដែលផលិតកម្លាំងបាន ១៦០០ សេះ។ ជាមួយកម្លាំងនេះវាអាចស្ទុះពី ០ ដល់ ១០០ គ.ម/ម៉ ដោយប្រើពេល ២,៤ វិនាទីប៉ុណ្ណោះ និងមានល្បឿនអតិបរមាដែលកំណត់ត្រឹម ៣៨០ គ.ម/ម៉។ ឡាននេះ នឹងចាប់ផ្ដើមយកឱ្យអតិជនចាប់ពីឆ្នាំ២០២១នេះទៅ ហើយ Ronaldo ទំនងជាបានក្នុងពេលឆាប់២នេះ។
កីឡាករក្រុមបិសាចក្រហម Manchester United ខាងលើនេះ ជាអ្នកលេងឡានខ្លាំងមែនទែន។ កន្លងមក រូបគេមានឡានទំនើបៗជាច្រើនដូចជា Ferraris ២គ្រឿង Lamborghini ១គ្រឿង, Rolls Royce មួយគ្រឿង, McLaren Senna ១គ្រឿង, Bugatti Chiron តម្លៃជាង៣លានដុល្លារ១គ្រឿង និង Mercedes AMG G 63 brabus ១គ្រឿងផងដែរ៕
