អ្នកចាត់ការ Jurgen Klopp បានព្រមានដល់កីឡាករ Liverpool ថា ពួកគេនឹងត្រូវស៊ីដោយ Atletico Madrid ប្រសិនបើលេងដូចកាលឆ្នាំ២០២០។
AT Madrid នឹងបើកកីឡដ្ឋាន Wanda Metropolitano ស្វាគមន៍ Liverpool ក្នុងការប្រកួត Champions League សម្រាប់ពូល B វគ្គសន្សំពិន្ទុនៅរាត្រីនេះម៉ោង២រំលងអាធ្រាត្រ។ Wanda Metropolitano ជាកន្លែងអនុស្សាវរីយ៍ ដ៏ពិសេសសម្រាប់លោក Klopp ។ ដោយសារតែលោកធ្លាប់ឈ្នះ UCL នៅទីនោះកាលពីឆ្នាំ២០១៩ ហើយនៅកន្លែង នេះដដែលក៏ធ្លាប់ចាញ់ AT Madrid នៅវគ្គ១៦ក្រុម កាលពីឆ្នាំ២០២០។
Klopp កម្រនាំ Liverpool យកឈ្នះក្រុមពីអេស្ប៉ាញណាស់ អំឡុងពេលការដឹកនាំ របស់លោក៦ឆ្នាំមកនេះ ។ លោកចាញ់៤ប្រកួត និងស្មើមួយក្នុងចំណោម៥ប្រកួតទល់នឹងក្រុមមកពីអេស្ប៉ាញ ។
មុនការប្រកួតមកដល់លោក Klopp បាននិយាយថា នេះគឺជាសង្គ្រាមបាល់ទាត់។ AT គឺជាក្រុមល្អមួយ ព្រោះតែពួកគេមានកីឡាករល្អៗច្រើន។ បញ្ហាជាមួយ Atetico គឺគុណភាពពួកគេមាន និងភាពចង់ឈ្នះ ដែលពួកគេបង្ហាញ ។ លោកមិនបានភ្លេចពីការ បរាជ័យកន្លងមកទេ ហើយច្បាស់ណាស់លោក Simeone ក៏មិនភ្លេចពីការលេងល្អរបស់ Liverpool ក្នុងផ្ទះដែរ។ ដូច្នេះកីឡាករ Liverpool ទាំងអស់ ត្រូវលេងឲ្យល្អ បើមិនចង់ឲ្យ AT ស៊ី៕
