ភ្នំពេញ ៖ ព្រឹត្តិការណ៍ Ultimate Boxing Championship នាថ្ងៃទី៣១តុលា អ្នកប្រដាល់វី សុភ័ស និងទូច ដេវីដ ដែលជាអ្នកប្រដាល់ ជម្រើសជាតិដូចគ្នានោះ បានបន្ថែមស្ថិតិឈ្នះ នូវក្នុងកំណត់ត្រា ប្រកួតរបស់ខ្លួនដូចគ្នា ។
អ្នកប្រដាល់ទាំង២រូបនេះ ប្រកួតគ្នាក្នុងគូប្រជែង ប្រាក់លានក្នុងប្រភេទទម្ងន់ ៦៣,៥០គីឡូក្រាមដូចគ្នា ។ ដេវីដ បានយកឈ្នះលើ អ្នកប្រដាល់ម៉ាង ព្រហ្មម៉ាញដែលហាត់ ក្នុងក្រុមជម្រើសជាតិ ដូចគ្នានោះដោយពិន្ទុ ។ ចំពោះសុភ័សវិញ បានយកឈ្នះលើ អ្នកប្រដាល់ សែត សារឹតមកពីសមាគម ប្រដាល់ក្រសួង សេដ្ឋកិច្ច និង ហិរញ្ញវត្ថុដូចគ្នា ។
ចំពោះគូប្រកួតក្នុងតំណែង គូពិសេសវិញនោះអ្នកប្រដាល់ថា រីវ៉ាមកពីសមាគមប្រដាល់ ក្រសួងសេដ្ឋកិច្ច និង ហិរញ្ញវត្ថុ ប្រកួតចាញ់ ពិន្ទុអ្នក ប្រដាល់អំ ខេម ដែលជាអ្នកប្រដាល់ជម្រើសជាតិ ។សូមបញ្ជាក់ថា អ្នកប្រដាល់ទាំង២រូបនេះ ប្រកួតគ្នាក្នុងប្រភេទ ទម្ងន់៤៩គីឡូក្រាម ។ ចំពោះការប្រកួត សម្រាប់គូធម្មតានោះ អ្នកប្រដាល់លីន សេងហុងក្លិបបូរីរាជសីហ៍ មានរិទ្ធ ប្រកួតឈ្នះ អ្នកប្រដាល់ឈុន ប្រាក់កាក់
ក្លិបតាឯកដំបងដែក មានរិទ្ធខេត្តព្រៃវែង ដោយពិន្ទុ ។ អ្នកប្រដាល់ទាំង២រូបនេះ ប្រកួតគ្នាក្នុងប្រភេទ ទម្ងន់៥២គីលូក្រាម ។
អ្នកប្រដាល់លី ប៊ុនហ៊ួក្លិបមីស្ទ័រ លីខេត្តសៀមរាបបានប្រើកណ្ដាប់ដៃផ្ដួល អ្នកប្រដាល់សយ ស៊ីថេងក្លិបឃ្លាំងមឿង កីឡាខេត្តពោធិ៍
សាត់ឲ្យដួលសន្លប់មុន ស្នូរជួង បញ្ចប់ទឹកទី១ ។ គូនេះប្រកួតគ្នាក្នុងប្រភេទ ទម្ងន់៥២គីឡូក្រាម ។ ការប្រកួត សម្រាប់ប្រភេទ ទម្ងន់៦០គីឡូក្រាម អ្នកប្រដាល់ លី វិបុលចំរើន ក្លិបមីស្ទ័រ លីខេត្តសៀមរាប ប្រកួតបានត្រឹមស្មើ ពិន្ទុជាមួយ អ្នកប្រដាល់ឆន ឈៀងរ៉ា ក្លិបកងកេងមានរិទ្ធ ខេត្តបាត់ដំបង ។
ឌុន សំណាងមកពីក្លិបអប់រំកាយខេត្តកំពតប្រកួតចាញ់អ្នកប្រដាល់ញ៉ឹក ឈឿងមកពីសមាគម ប្រដាល់ក្រសួង សេដ្ឋកិច្ច និង ហិរញ្ញ
វត្ថុដោយពិន្ទុ ។ អ្នកប្រដាល់ទាំង២រូបនេះ ប្រកួតគ្នាក្នុងប្រភេទទម្ងន់៦៤គីឡូក្រាម ។
លោក ប៊ុយ សោភ័ណ្ឌ អគ្គលេខាធិការ សហព័ន្ធកីឡាប្រដាល់ សាកលកម្ពុជា បានធ្វើការកត់សំគាល់ថា គុណភាព នៃការប្រកួតកាន់
ខ្ពស់ដោយសារតែកីឡាករ មានការប្រកួតម្ល៉ោះ ហើយពួកគេព្យាយាមហ្វឹកហាត់ ។ កីឡាករគ្រប់រូបទាំការ វាយលុកទាំងការការពារ សុទ្ធតែធ្វើបានល្អដូចគ្នា ។
លោកអគ្គលេខាធិការបន្តថា លោកកំពុងតែព្យាយាម ទំនាក់ទំនងជាមួយទូរទស្សន៍នានា ដើម្បីសុំឲ្យគេបញ្ចូល កីឡាប្រដាល់សាកល
ឲ្យមាននូវក្នុងកម្មវីធី បប្រកួតប្រចាំសប្ដាហ៍របស់គេ ។ លោកដាក់ក្ដីសង្ឃឹមថា ខាងទូរទស្សន៍និង បើកបេះដូងទូលាយ ទទួលយកនូវសំណូមពររបស់លោក ៕ដោយៈលី ភីលីព
