ក្រុងប៉េកាំង ៖ ភូមិអូឡាំពិចរដូវរងា របស់ទីក្រុងប៉េកាំងដ៏ឆ្លាតវៃ កក់ក្ដៅ និងអាចចូលដំណើរ ការបាន មានធាតុផ្សំទាំងអស់ ដែលត្រូវការ ដើម្បីផ្តល់ឲ្យអត្តពលិក នូវផ្ទះ ដែលមានសុវត្ថិភាព និងផាសុកភាព នៅឆ្ងាយ ពីផ្ទះក្នុងអំឡុងពេលការប្រកួត នៅឆ្នាំក្រោយយោងតាមការចេញផ្សាយ ពីគេហទំព័រឆៃណាឌៀលី ។
ដូចដែលបានសន្យា នៃការដាក់សំណើដេញថ្លៃ របស់ខ្លួន ការប្តេជ្ញាចិត្ត របស់ទីក្រុងប៉េកាំងក្នុង ការធ្វើជា ម្ចាស់ផ្ទះការប្រកួត ដោយផ្តោត លើអត្តពលិកបានសម្រេច ជាធំមួយជាមួយនឹងអគារ លំនៅដ្ឋាន ចំនួន ២០ខ្នង ត្រូវបានបំពាក់ តុបតែងតាមស្តង់ដារ ខ្ពស់ និងបំពាក់ដោយ ប្រព័ន្ធខ្យល់ចេញចូលស្រស់ ក្នុងខែនេះបានបញ្ចប់ ហើយមុនពិធី បើកនៅថ្ងៃទី៤ ខែកុម្ភៈ ឆ្នាំ២០២២ ។
ស្ថិតនៅភាគខាងជើង នៃទីប្រជុំជនរបស់ទីក្រុងទល់ នឹងផ្ទៃខាងក្រោយ នៃពហុកីឡដា្ឋនសំបុកបក្សី ភូមិអូឡាំពិកទីក្រុងប៉េកាំង គ្របដណ្តប់លើផ្ទៃដី ៣៣០,០០០ម៉ែត្រការ៉េ គឺជាតំបន់លំនៅដ្ឋាន ផ្លូវការដ៏ធំបំផុត ចំនួន៣ ត្រូវបានសាងសង់ឡើងសម្រាប់កីឡាអូឡាំពិក និងប៉ារ៉ាឡាំពិករដូវរងា រួមមានភូមិភ្នំក្នុងស្រុក Yanqing និងទីក្រុងសហម្ចាស់ផ្ទះ Zhangjiakou ខេត្ត Hebei ។
ភូមិប៉េកាំងនឹងឆ្លងកាត់ការ ធ្វើតេស្តិ៍ប្រតិបត្តិការនៅចុងខែនេះ ជាមួយនឹងសម្ភារៈបរិក្ខារ សេវាកម្ម និងវិធានការគ្រប់គ្រង និងការពារ COVID-19 ទាំងអស់ត្រូវវាយតម្លៃ ប្រសិនបើការសាកល្បងដំណើរការបានល្អ ភូមិនឹងចាប់ផ្តើមដំណើរការសាកល្បង នៅថ្ងៃទី២៣ ខែមករា មុនពេលបើកជាផ្លូវការ នៅថ្ងៃទី ២៧ ខែមករា ។
លោក Yang Jingfeng នាយករងសេវាស្នាក់នៅ សម្រាប់ក្រុមប្រតិបត្តិការ ភូមិបាននិយាយថា យើងកំពុងព្យាយាមធ្វើឲ្យ ភូមិនេះក្លាយជាផ្ទះ ប្រកបដោយសុវត្ថិភាព និងផាសុកភាព សម្រាប់អត្តពលិក និងមន្ត្រីទាំងអស់ ដែលពួកគេអាចរីករាយនឹង ខ្លួនឯង និងសម្រាកឲ្យ បានតាមដែលអាច ធ្វើទៅបាន និងទទួលបានបទពិសោធន៍ នៃលក្ខណៈវប្បធម៌មួយចំនួន នៃទីក្រុងម្ចាស់ផ្ទះក្នុងពេលតែមួយ ៕ ដោយ៖លី ភីលីព
