ប៉ារីស៖ យោងតាមការចេញផ្សាយពីគេហទំព័រជប៉ុនធូដេ បានប្រាប់ឲ្យដឹងថា ម្ចាស់ជើងឯកអ៊ឺរ៉ុបអ៊ីតាលី និងព័រទុយហ្គាល់ អាចនឹងជួបគ្នាសម្រាប់កន្លែងមួយនៃព្រឹតិ្តការណ៍ ការប្រកួតកីឡាបាល់ទាត់ World Cup 2022 បន្ទាប់ពីត្រូវបានគូរក្នុងផ្លូវការ ប្រកួតជម្រុះ “Play-off” ដូចគ្នាកាលពីថ្ងៃសុក្រ។
កីឡាករព័រទុយហ្គាល់របស់ Azzurri និង Cristiano Ronaldo បានបញ្ចប់ក្នុងចំណាត់ថ្នាក់លេខ ២ ក្នុងពូលរបស់ពួកគេ តាមពីក្រោយប្រទេសស្វីស និងស៊ែប៊ីរៀងៗខ្លួន។ ប្រទេសអ៊ីតាលីនឹងធ្វើជាម្ចាស់ផ្ទះ North Macedonia ក្នុងវគ្គ Play-off ជុំទីមួយកាលខែមីនា ជាមួយនឹងទួរគីទៅលេងព័រទុយហ្គាល់ មុនពេលអ្នកឈ្នះត្រូវប្រឈមមុខ នឹងកៅអីមួយនៅវគ្គផ្តាច់ព្រ័ត្រ នៅឆ្នាំក្រោយនៅប្រទេសកាតា។
ការចាប់ឆ្នោតមានន័យថា អ្នកឈ្នះជើងឯកទ្វីបអឺរ៉ុបពីររូបចុងក្រោយ នឹងមិនមានវត្តមាននៅ World Cup ក្រោយនោះទេ ចំណែកព័រទុយហ្គាល់បានឈ្នះជើងឯក Euro 2016 ។ អ្នកឈ្នះនៃការប្រកួតរបស់ព័រទុយហ្គាល់ ជាមួយទួរគីនឹងធ្វើជាម្ចាស់ផ្ទះ ការប្រកួតជុំចុងក្រោយ នៅពូល C ។ លោក Roberto Mancini គ្រូបង្វឹកក្រុមជម្រើសជាតិអ៊ីតាលី បាននិយាយថា វាជាការចាប់ឆ្នោតដ៏លំបាកស ម្រាប់យើង រីឯNorth Macedonia គឺជាក្រុមដ៏ល្អមួយ ហើយប្រសិនបើយើងឈ្នះ យើងត្រូវលេងក្រៅដី។
អ៊ីតាលីបានផ្តួលអង់គ្លេស ដោយបាល់ប៉េណាល់ទី ក្នុងវគ្គផ្តាច់ព្រ័ត្រ Euro 2020 កាលពីដើមឆ្នាំនេះ សង្ឃឹមថានឹងលុបចោល ការចងចាំពីការឈឺចិត្តក្នុងវគ្គ Play-off របស់ពួកគេកាលពី ៤ឆ្នាំមុន នៅពេលពួកគេបានចាញ់ស៊ុយអែត និងខកខានក្នុងការប្រកួត World Cup ជាលើកដំបូងចាប់តាំងពីឆ្នាំ១៩៥៨ ។
ព័រទុយហ្គាល់បានបង្ហាញខ្លួន នៅគ្រប់ការប្រកួតជើងឯកធំៗ ចាប់តាំងពីខកខានក្នុងការប្រកួត World Cup ឆ្នាំ១៩៩៨។ ពួកគេបានខកខានក្នុងការប្រកួតជម្រុះដោយស្វ័យប្រវត្តិ នៅពេលដែលគ្រាប់បាល់ចុងម៉ោងរបស់ Aleksandar Mitrovic បានយកឈ្នះក្រុម Serbia ២-១ក្នុងការប្រកួតក្នុងពូលចុងក្រោយរបស់ក្រុមទាំងពីរ។
គ្រូបង្វឹកសញ្ជាតិព័រទុយហ្គាល់លោក Fernando Santos បាននិយាយថា ការផ្តោតអារម្មណ៍ទាំងអស់ នៅពេលនេះគឺ “យកឈ្នះទួរគី” ។ វាជាការប្រកួតដ៏សំខាន់ ដើម្បីឆ្លងទៅវគ្គផ្តាច់ព្រ័ត្រ និងដើម្បីឈ្នះវា ឥឡូវនេះ យើងត្រូវរៀបចំខ្លួនឲ្យបានល្អ ដើម្បីស្ថិតក្នុងកម្រិតដ៏ល្អក្នុងខែមីនា៕ ដោយ៖លី ភីលីព
