កីឡាករអេស្បាញវ័យក្មេង Ansu Fati ក្នុងការប្រកួតពានរង្វាន់ Copa de Rey កាលពីយប់មិញនេះត្រូវបានគេមើលឃើញថាបានដើរចេញពីទីលានទាំងស្រក់ទឹកភ្នែកដោយសាររបួស ហើយលទ្ធផលបានត្រឹមចាញ់ក្រុម Athletic Club ទាំងប្រផិតប្រផោយនៅម៉ោងបន្ថែម។
Barcelona បានធ្លាក់ចេញពីពាន Copa ត្រឹមវគ្គ១៦ក្រុមចុងក្រោយខណៈដែលកីឡាករ Fati ត្រូវបានទទួលរងរបួសសាជាថ្មីក្រោយពេលដែលកីឡាករវ័យ១៩ឆ្នាំរូបនេះទើបតែបានជាសះស្បើយពីរបួស កាលពីពេលថ្មីៗនេះប៉ុណ្ណោះដោយសារបញ្ហាក្បាលជង្គង់ និងធ្លាប់បានសម្រាកព្យាបាលអស់រយៈពេលជាង១ឆ្នាំ កន្លងមកហើយ។
ក្រោយចប់ការប្រកួតគ្រូបង្វឹកក្លឹបលោក Xavi បានថ្លែងប្រាប់ទៅកាន់ក្រុមអ្នកកាសែតថាស្ថានភាពរបស់កីឡាករ Fati នៅមិនទាន់ច្បាស់នៅឡើយយើងត្រូវរងចាំរហូតដល់ព្រឹកថ្ងៃសុក្រនេះហើយក្នុងនោះ ផងដែរកីឡាករ Pedri, Piquie និង Alba សុទ្ធតែបានទទួលរងរបួសដូចគ្នា៕
ប្រែសម្រួល៖ស៊ុនលី
