ចិន៖ យោងតាមការចេញផ្សាយ ពីគេហទំព័រឆៃណាឌៀលី បានប្រាប់ឲ្យដឹងថា ប្រធាន IOC លោក Thomas Bach បានប្រសាសន៍ថា យើងរួមគ្នាសរសេរជំពូកថ្មីមួយ នៅក្នុងប្រវត្តិសាស្ត្រកីឡា ព្រោះទីក្រុងប៉េកាំង គឺជាទីក្រុងដំបូងគេ ដែលមិនធ្លាប់ធ្វើជាម្ចាស់ផ្ទះការប្រកួត កីឡាអូឡាំពិករដូវក្តៅ និងរដូវរងា ហើយព្រឹត្តិការណ៍កីឡាអូឡាំពិករដូវរងា នៅទីក្រុងប៉េកាំងឆ្នាំ ២0២២ នឹងក្លាយជាការចាប់ផ្តើម នៃយុគសម័យថ្មីសម្រាប់កីឡារដូវរងា។
លោកបានបន្តថា ឥឡូវនេះប្រជាជនចិនជាង ៣00 លាននាក់កំពុងប្រកួតកីឡា នៅលើព្រិល និងទឹកកក សព្វថ្ងៃនេះប្រទេសចិន គឺជាប្រទេសកីឡារដូវរងា នេះនឹងផ្លាស់ប្តូរទេសភាពពិភពលោក សម្រាប់កីឡារដូវរងាជារៀងរហូត។
នេះជាពេលវេលាសម្រាប់ អ្នកជាអត្តពលិកកីឡារដូវរងាល្អបំផុត របស់ពិភពលោក ដើម្បីបង្កើតប្រវត្តិសាស្ត្រ។ អ្នកអាចធ្វើឲ្យក្តីស្រមៃកីឡាអូឡាំពិក របស់អ្នកក្លាយជាការពិតបាន ពីព្រោះដៃគូ និងមិត្តចិនរបស់យើង បានរៀបចំឆាកអូឡាំពិក យ៉ាងអស្ចារ្យបែបនេះ ចំណែកអ្នកមានកន្លែងដ៏អស្ចារ្យ ដែលត្រូវបញ្ចេញពន្លឺ។
ក្តីស្រមៃកីឡាអូឡាំពិក របស់អ្នកកំពុងក្លាយជាការពិត នៅចំពោះមុខអ្នកចូលចិត្តកីឡារដូវរងាថ្មីរបស់ចិនរា ប់រយលាន ដែលផ្តល់ការជំរុញយ៉ាងខ្លាំង ដល់អ្នកគាំទ្រ និងកីឡារបស់អ្នក។ ក្នុងរយៈពេលប៉ុន្មានថ្ងៃខាងមុខនេះ អ្នកនឹងប្រកួតប្រជែងគ្នាយ៉ាងស្វិតស្វាញ ដើម្បីលើកតម្កើងអូឡាំពិក ខណៈរស់នៅជាមួយគ្នា ដោយសន្តិភាពក្រោមដំបូលតែមួយ នៅក្នុងភូមិអូឡាំពិក។ អ្នកនឹងត្រូវបានមើលដោយទស្សនិកជន ទូទាំងពិភពលោករាប់ពាន់លាននាក់ ដោយផ្ញើសារដ៏មានអានុភាពនេះ ទៅកាន់ពិភពលោក អាចប្រកួតប្រជែងគ្នា ដើម្បីទទួលបានរង្វាន់ខ្ពស់បំផុត ខណៈពេលរស់នៅជាមួយគ្នា ដោយសន្តិភាព និងការគោរព។
លោកបានបន្ថែមថា សហគមន៍អន្តរជាតិគាំទ្រយ៉ាងខ្លាំង ចំពោះការប្រកួតកីឡាអូឡាំពិករដូវរងាទាំងនេះ ពីព្រោះសារបង្រួបបង្រួមនេះ កាន់តែមានសារសំខាន់ នៅក្នុងពិភពលោក ដែលបែកបាក់គ្នា នាពេលបច្ចុប្បន្ននេះ។ នេះជាគំរូចុងក្រោយបំផុត ដោយដំណោះស្រាយ បទឈប់បាញ់អូឡាំពិក ត្រូវបានអនុម័តដោយការឯកភាព ពីរដ្ឋសមាជិកទាំង ១៩៣ នៃមហាសន្និបាតអង្គការសហប្រជាជាតិ។
តួនាទីវិជ្ជមានដែលអ្នកជាអត្តពលិក កំពុងលេងត្រូវបានគូសបញ្ជាក់ យ៉ាងច្បាស់លាស់ ជាមួយនឹងដំណោះស្រាយនេះ រដ្ឋសមាជិកអង្គការសហប្រជាជាតិ “សូមស្វាគមន៍ការដឹកនាំ របស់អត្តពលិកអូឡាំពិក និងប៉ារ៉ាឡាំពិកក្នុងការលើកកម្ពស់សន្តិភាព និងការយល់ដឹង របស់មនុស្សតាមរយៈកីឡា និងឧត្តមគតិអូឡាំពិក”៕ ដោយ៖លី ភីលីព
