ក្រុមបិសាចក្រហម Manchester United ត្រូវបានគេចាត់ទុកថា ជាក្លឹបចាយលុយឥតប្រយោជន៍ ច្រើនជាងគេបំផុតនៅ១០ឆ្នាំ ចុងក្រោយនេះ ពោលគឺអស់ដល់ទៅជាង១ ពាន់លានដុល្លារឯណោះ ។
ចាប់តាំងពីឆ្នាំ២០១២មក ក្រុម United បានចំណាយប្រាក់ខុសច្រើនជាង១ពាន់លានដុល្លារ ហើយទៅលើការទិញកីឡាករ ពោលគឺច្រើនជាងក្រុម Manchester City ទៅទៀត។ តែបើមើលទៅលើលទ្ធផលវិញ ឃើញថា មិនមានអ្វីប្រែប្រួលនោះទេ ដោយបិសាចក្រហម នៅតែមិនអាចខ្លាំងឡើងវិញ ហើយរកពានរង្វាន់ធំមិនបានដដែល។ ដោយចំណាយអស់ជាង១ពាន់លានផោននេះ ក្រុម Man Utd បានចំណូលពីការលក់កីឡាករវិញ បានត្រឹម៤៧០លានផោនទេ ។
ដោយឡែកងាកទៅមើលក្រុមប្រជែង City វិញ ឃើញថាពួកគេជោគជ័យខ្លាំងណាស់ នៅប៉ុន្មានឆ្នាំចុងក្រោយនេះ ដោយចាប់ពីវត្តមានរបស់លោក Pep មកដឹកនាំក្រុម ៕
